جەلىدە قاراعاندىلىق اۆتوبۋس جۇرگىزۋشىلەر توبەلەسىنىڭ ۆيدەوسى تارادى
استانا. قازاقپارات - قاراعاندىدا قوعامدىق كولىك جۇرگىزۋشىلەرى اراسىنداعى توبەلەستى كۋاگەرلەر ۆيدەوعا ءتۇسىرىپ العان.
قاقتىعىسقا نە سەبەپ بولعانى ازىرگە بەلگىسىز، - دەپ حابارلايدى Tengrinews.kz ءتىلشىسى.
الەۋمەتتىك جەلىدە جۇرگىزۋشىلەر توبەلەسىنىڭ ۆيدەوسى تارادى. كادردا ءۇش ەر ادام سويلەسىپ تۇرادى، كەيىن ولاردىڭ ەكەۋى جۇدىرىقتاسا جونەلگەنى، ءۇشىنشىسى اجىراتۋعا تىرىسىپ جاتقانى كورىنەدى.
جەلى قولدانۋشىلارى قوعامدىق كولىك قىزمەتكەرلەرىنىڭ بۇل ارەكەتىن سىنعا الدى. ولار ازىلدەپ توبەلەسىپ جاتقاندار كونور ماكگرەگورمەن جەكپە-جەككە شىقسىن دەپ جازدى.
ۆيدەوعا قاتىستى قاراعاندى قالاسىنىڭ كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمى پىكىر ءبىلدىردى. مەملەكەتتىك مەكەمە بۇل جازبانى كورگەندەرىن، ۆيدەونى زەرتتەپ، وقيعانىڭ ءمان-جايىن، جانجالدىڭ سەبەبىن انىقتايتىنىن ايتتى.
