مەكتەپتەرگە كەزەڭ-كەزەڭمەن اكادەميالىق اۆتونوميا بەرىلەدى - اسحات ايماعامبەتوۆ

«ورتا ءبىلىم بەرۋدەگى وزەكتى ماسەلە - ول ءبىلىم مازمۇنى مەن ءبىلىم ساپاسى. 2016 -جىلدان 2021 -جىلعا دەيىن مەكتەپتەر جاڭارتىلعان باعدارلامالارعا كوشتى. كريتەريالدى باعالاۋ جۇيەسى ەنگىزىلدى. بۇل ءوز كەزەگىندە وتە ماڭىزدى وزگەرىس بولدى. دەگەنمەن، مونيتورينگتىك زەرتتەۋلەرگە سايكەس، جەكەلەگەن پاندەر بويىنشا وقۋ باعدارلامالارى جەتىلدىرۋدى قاجەت ەتەدى. وسىعان وراي مەكتەپ باعدارلامالارىن جاڭعىرتامىز. قازىر جۇمىس توبى قۇرىلدى، جاڭا مەملەكەتتىك ستاندارتتار مەن وقۋ باعدارلامالارى ازىرلەنىپ جاتىر»، - دەدى ا. ايماعامبەتوۆ.

ونىڭ ايتۋىنشا، مەكتەپتەرگە كەزەڭ- كەزەڭمەن اكادەميالىق اۆتونوميا بەرىلەدى.

«ءبىلىم بەرۋ ساپاسىن سىرتتاي تاۋەلسىز باعالاۋ جۇيەسى ەڭگىزىلەدى، مەكتەپتەردىڭ اتتەستاتتاۋ جۇيەسى رەپرەسسيۆتى مازمۇننان، دياگنوستيكالىق باعىتقا اۋىسادى. مەكتەپتەگى قورىتىندى باعالاۋدىڭ ناتيجەسىن حالىقارالىق دەڭگەيدە تانۋ بويىنشا جۇمىستارى جۇرگىزىلەدى»، - دەدى مينيستر.

بۇدان بۇرىن حابارلانعانداي، بالاباقشالاردا بالالاردى ەرتە دامىتۋدىڭ جاڭا مودەلى ەنگىزىلىپ جاتىر. وسى ورايدا ونداعى باعدارلاما دا، وقىتۋ ادىستەرى دە تۇبەگەيلى وزگەرەدى.

اۆتور

رۋسلان عابباسوۆ