اقتوبە وبلىسىندا جول اپاتىنان ءۇش ادام مەرت بولدى

اقتوبە. قازاقپارات - اقتوبە وبلىسىندا جول اپاتىنان ەكى جۇرگىزۋشى مەن جولاۋشى كوز جۇمدى، دەپ حابارلايدى Polisia.kz.

30-قازان ساعات 19:45 كەزىندە قوبدا - جيرەنقوپا اۆتوجولىنىڭ 324-شاقىرىمىندا ۆاز-2110 اۆتوكولىگىنىڭ 24 جاستاعى جۇرگىزۋشىسى جولدىڭ قارسى جولاعىنا شىعىپ، قوبدا اۋدانىنىڭ 38 جاستاعى تۇرعىنى تىزگىندەگەن Lada Vesta اۆتوكولىگىمەن سوقتىعىسقان.

جول- كولىك وقيعاسىنان ەكى جۇرگىزۋشى جانە Lada Vesta اۆتوكولىگىنىڭ جولاۋشىسى وقيعا ورنىندا قايتىس بولدى.

اتالعان فاكتى بويىنشا ق ر ق ك- ءنىڭ 345-بابى 4-بولىگىمەن سوتقا دەيىنگى تەرگەۋ باستالدى.

پوليسيا دەپارتامەنتى جول قوزعالىسى قاتىسۋشىلارىنا جول قوزعالىسى ەرەجەلەرىن مۇلتىكسىز ساقتاۋعا شاقىرادى.