الەكسەي سوي پرەزيدەنت ءىس باسقارماسى مەديتسينا ورتالىعىنا باسشى بولدى
الەكسەي سوي وڭتۇستىك قازاقستان مەملەكەتتىك اكادەمياسىن بىتىرگەن. مەديتسينا عىلىمدارىنىڭ دوكتورى، مەديتسيناداعى ىسكەرلىك اكىمشىلەندىرۋ دوكتورى.
ول بۇعان دەيىن دارىگەر- ەندوسكوپيست، «ەۋروازيالىق رەسپيراتورلىق قوعام» قوعامدىق بىرلەستىگىنىڭ باس حاتشىسى، ق ر پرەزيدەنتى ءىس باسقارماسى مەديتسينا ورتالىعىنىڭ باستىعى، استانا قالاسى № 1 قالالىق اۋرۋحاناسىنىڭ باس دارىگەرى، ق ر دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى، ق ر دەنساۋلىق ساقتاۋ ءمينيسترى قىزمەتىن اتقاردى.
سونداي- اق، بۇگىن رۋستام البايەۆ ق ر پرەزيدەنتى ءىس باسقارماسىنىڭ مەديتسينا ورتالىعى اۋرۋحاناسىنىڭ ديرەكتورى بولىپ تاعايىندالدى.
رۋستام البايەۆ - اقمولا مەملەكەتتىك مەديتسينا اكادەمياسىنىڭ تۇلەگى. مەديتسينا عىلىمدارىنىڭ كانديداتى، مەديتسيناداعى ىسكەرلىك اكىمشىلەندىرۋ ماگيسترى، «بولاشاق» باعدارلاماسىنىڭ ستيپەندياتى.
ول بۇرىن قالالىق اۋرۋحانالاردا دارىگەر- حيرۋرگ، دارىگەر- كارديوحيرۋرگ بولىپ ىستەدى، توتەنشە جاعداي كەزىندە شىمكەنت قالاسى دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى بولدى.
ق ر پ ءى ب مەديتسينا ورتالىعىنىڭ ەمدەۋ- الدىن الۋ كومەگىن ۇيىمداستىرۋ باسقارماسىنىڭ باسشىسى، ق ر پ ءى ب ءىس باسقارماسىنىڭ مەديتسينا ماسەلەلەرى جونىندەگى باس ينسپەكتورى، ق ر پ ءى ب مەديتسينا ورتالىعىنىڭ ورتالىق كلينيكالىق اۋرۋحاناسىنىڭ ديرەكتورى قىزمەتىن اتقاردى.
