سايلاۋ: داۋىس بەرۋ كۇنىندە برايل شريفتىمەن ترافارەتتەر قولدانىلادى
بۇل تۋرالى ق ر ورتالىق سايلاۋ كوميسسياسىنىڭ مۇشەسى اناستاسيا شەگورتسوۆا ايتتى، دەپ حابارلايدى قازاقپارات ءتىلشىسى.
«2022-جىلعى 22- قىركۇيەكتە جۇرگىزىلىپ جاتقان جۇمىستاردى جەتىلدىرۋ ماقساتىندا ە ق ى ۇ د ي ا ق ب ساراپشىلارىمەن ونلاين-كونسۋلتاتسيا وتكىزىلدى. مۇگەدەكتىگى بار ادامدار ءۇشىن قولايلى جاعداي جاساۋ ءۇشىن حالىقارالىق ستاندارتتار مەن ە ق ى ۇ ەلدەرىنىڭ ۇزدىك حالىقارالىق تاجىريبەسى ەگجەي-تەگجەيلى قارالدى»، - دەدى ول ورتالىق سايلاۋ كوميسسياسى جانىنداعى مۇمكىندىگى شەكتەۋلى ازاماتتاردىڭ قۇقىقتارىن قورعاۋ جونىندەگى جۇمىس توبىنىڭ وتىرىسىندا.
ونىڭ ايتۋىنشا، ورتالىق سايلاۋ كوميسسياسى جۇمىس توبى مۇشەلەرىنىڭ، مۇددەلى مەملەكەتتىك ورگاندار مەن قوعامدىق بىرلەستىكتەردىڭ مۇگەدەك ادامداردىڭ تاراپىنان سايلاۋ قۇقىقتارىن قامتاماسىز ەتۋگە قاتىستى كەلىپ تۇسكەن ۇسىنىستارىن زەردەلەدى. بارلىعى 30 عا جۋىق ۇسىنىس ءتۇستى. ولاردىڭ كەيبىرەۋى داۋىس بەرۋگە ارنالعان ءۇي-جايدى جاراقتاندىرۋ، سونداي-اق مۇگەدەك ازاماتتاردىڭ سايلاۋ قۇقىقتارىن قامتاماسىز ەتۋ جونىندەگى جۇمىسقا ەرىكتىلەردى، ىم-يشارا ءتىلى ماماندارىن تارتۋ ماسەلەلەرىن جان-جاقتى قاراستىرادى.
«برايل شريفتىن پايدالانا وتىرىپ، كورۋ قابىلەتى بۇزىلعان ادامدار ءۇشىن ترافارەتتەردى ازىرلەۋ تۋرالى ۇسىنىس ەسكەرىلدى»، - دەدى اناستاسيا شەگورتسوۆا.