اقوردادا كۇتپەگەن جايت بولدى
نۇر-سۇلتان. قازاقپارات - پرەزيدەنت قاسىم-جومارت توقايەۆتىڭ موبيلوگرافى استاناعا ورتالىق ازيا مەملەكەتتەرى باسشىلارى مەن ەۋروپالىق كەڭەس ءتوراعاسىنىڭ كەزدەسۋىنە قاتىسۋعا كەلگەن قىرعىزستان پرەزيدەنتى سادىر جاپاروۆقا كومەكتەستى، - دەپ حابارلايدى Massaget.kz ءتىلشىسى.
جۋرناليست ءادىل بالتابايەۆ Telegram-ارناسىندا ۆيدەو جاريالاپ، پرەزيدەنت قاسىم-جومارت توقايەۆتىڭ قىرعىزستان باسشىسى سادىر جاپاروۆپەن كەزدەسۋىندە بولعان وقيعانى ايتىپ بەردى.
ۆيدەودا قىرعىزستان پرەزيدەنتى دەلەگاتسياسىنىڭ مۇشەلەرىنىڭ اقوردا عيماراتىنا كىرىپ ۇلگەرگەنى، ال جاپاروۆ توقايەۆپەن قول الىسۋعا اسىعىپ بارا جاتقاندا كۇرتەشەسىن شەشۋدى ۇمىتىپ كەتكەنىن بايقاۋعا بولادى. كورشى رەسپۋبليكا باسشىسى ەتيكەت ەرەجەلەرىن بۇزباۋ ءۇشىن سىرت كيىمىن اسىعىس شەشىپ، توقايەۆتىڭ موبيلوگرافىنا ۇستاتا سالدى.
ەسكە سالايىق، 27- قازاندا استانادا ورتالىق ازيا مەملەكەتتەرى باسشىلارى مەن ەۋروپالىق كەڭەس ءتوراعاسىنىڭ كەزدەسۋى ءوتتى.
