قازاقستان مەن گەرمانيانىڭ ستۋدەنتتەرىنە ارنالعان باعدارلامالارعا قولداۋ كورسەتىلەدى – ق ر س ءى م
«تاعى ءبىر وتە ماڭىزدى سالا - مادەني- گۋمانيتارلىق ءوزارا بايلانىس. قازاقستاندا 200 مىڭعا جۋىق ەتنيكالىق نەمىس بار. قازىر گەرمانيادا قازاقستاننان قونىس اۋدارعان 1 ميلليونعا جۋىق نەمىس تۇرادى. ءبىز حالىقتار اراسىنداعى دوستىقتى ساقتاۋ ءۇشىن وسى «جاندى كوپىردى» ودان ءارى كۇشەيتكىمىز كەلەدى»، - دەدى م. تىلەۋبەردى گەرمانيانىڭ فەدەرالدىق سىرتقى ىستەر ءمينيسترى اننالەنا بەربوكپەن كەزدەسۋدەن كەيىن.
سونىمەن قاتار مينيستر ستۋدەنتتەر مەن وقۋشىلار اراسىنداعى اكادەميالىق الماسۋ باعدارلامالارىنا قولداۋ كورسەتىلەتىنىن ايتتى.
ءبىلىم بەرۋ باعدارلامالارى ارقىلى قازاقستان رەسپۋبليكاسىندا جەتەكشى نەمىس ۋنيۆەرسيتەتتەرىنىڭ وكىلدىكتەرىن اشۋعا جانە گەرمانيا ۇلگىسى بويىنشا جوعارى بىلىكتى كادرلاردى كاسىبي وقىتۋدىڭ دۋالدى جۇيەسىن دامىتۋعا باسىمدىق بەرىلمەك.
«قازاقستان نەمىس ارىپتەستەرىمەن جانە ورتالىق ازياداعى كورشىلەرىمەن بىرلەسە ايماقتىق جانە جاھاندىق كليماتتىق قاۋىپسىزدىك پەن تۇراقتىلىق ماسەلەلەرىندە بەلسەندى ىنتىماقتاسۋعا دايىن. وسى تۇرعىدا گەرمانيا سىرتقى ىستەر مينيسترلىگىنە «جاسىل ورتالىق ازيا» باستاماسى ءۇشىن العىس ايتامىز. قورىتىندىلاي كەلە، بەربوك حانىممەن وتكەن كەلىسسوزدەردى ناتيجەلى دەپ باعالاپ، ولاردىڭ قورىتىندىلارى ەكىجاقتى بايلانىستاردى جاڭا دەڭگەيگە شىعارۋعا سەرپىن بەرەتىنىنە سەنىمدىمىن، - دەدى مۇحتار تىلەۋبەردى.
بۇدان بۇرىن حبارلانعانداي، بۇگىن استانادا گەرمانيانىڭ سىرتقى ىستەر ءمينيسترى اننالەنا بەربوك قازاقستاندا سۋتەگى ديپلوماتياسى كەڭسەسىن اشۋدىۇسىندى.
اۆتور
رۋسلان عابباسوۆ
