دارىگەرلەر ءجۇرسىن ەرماننىڭ دەنساۋلىعىنا قاتىستى پىكىر ءبىلدىردى
استانا. قازاقپارات - ايتىس جۇرگىزۋشىسى، اقىن ءجۇرسىن ەرماننىڭ جاعدايى بەلگىلى بولدى.
الماتىداعى ورتالىق كلينيكالىق اۋرۋحانا وكىلدەرى ءجۇرسىن ەرماننىڭ دەنساۋلىعى تولىق باقىلاۋدا ەكەنىن ايتادى. مامانداردىڭ سوزىنشە، اقىننىڭ اۋرۋى اسقىنىپ، سەپسيسكە اينالعان ەكەن. دارىگەرلەر قاراپ جاتىر، ءتيىستى ەم شارالارى جاسالىپ جاتىر.
ەسكە سالايىق، 29-قازاندا قازاقستان ايتىس اقىندارى مەن جىرشى تەرمەشىلەردىڭ حالىقارالىق وداعىنىڭ ءتوراعاسى ءجۇرسىن ەرمان جانساقتاۋ بولىمىنە تۇسكەنى حابارلانعان بولاتىن. بۇل تۋرالى ايتىسكەر اقىن، جىرشى-تەرمەشى ديدار قامي Instagram-پاراقشاسىندا ايتتى.
