پسيحولوگ بالا قاي جاسقا دەيىن اتا-اناسىمەن ۇيىقتاۋعا بولاتىنىن ءتۇسىندىردى

پسيحولوگتىڭ سوزىنشە، بالا ءومىرىنىڭ العاشقى ايلارىندا مۇمكىندىگىنشە، اناسىنا جاقىن بولۋى كەرەك.

دەگەنمەن، ەكى-ءۇش جاستان كەشىكتىرمەي بالانى بولەك جاتۋعا ۇيرەتۋ كەرەك، سەبەبى ونىڭ دامۋىندا ءتۇرلى پروبلەمالار بولۋى مۇمكىن.

«ماماندار بالالاردا - 2-3 جانە 9-10 جاستا جەكە تۇلعانى قالىپتاستىرۋ پروتسەسى بەلسەندى تۇردە باستالاتىنىن، قورشاعان الەمدى تاني باستايتىنىن ايتادى. ەگەر وسى كەزەڭدە اتا-انالار بالا شەكاراسىن ءوز بەتىنشە كەڭەيتۋگە، سونىڭ ىشىندە ءوز توسەگىندە ۇيىقتاۋعا مۇمكىندىك بەرمەسە، بالالاردىڭ پسيحيكالىق دامۋى باياۋلاي باستايدى»، - دەپ ءتۇسىندىردى مولچانوۆا.

پسيحولوگ بالانى بولەك جاتقىزۋ ۇدەرىسى كەنەتتەن بولماۋى كەرەگىن دە باسا ايتادى. الدىمەن بالانىڭ توسەگىندە جانىنا جاتىپ، تۇنگى شامدى جاعىپ، سۇيىكتى ويىنشىعىن قاسىنا بەرىپ، شىدامدىلىق تانىتۋ ماڭىزدى.

«ەگەر بالا ءتۇن ورتاسىندا قاسىڭىزعا جاتقىزۋدى سۇراپ كەلسە، ونى ۇرىسىپ، قۋۋ قاجەت ەمەس. بالا ءسىزدىڭ جانىندا ەكەنىڭىزدى، ونى جاقسى كورەتىنىڭىزدى جانە كەز كەلگەن قاۋىپتەن قورعاي الاتىنىڭىزدى سەزىنۋى ماڭىزدى. سونداي-اق، بالاڭىزدى دوستارىڭىز بەن تۋىستارىڭىزدىڭ الدىندا ەرەسەك بولعانىن، بولەك جاتىپ جۇرگەنىن ايتىپ ماداقتاۋدى ۇمىتپاڭىز»، - دەدى پسيحولوگ.

Massaget.kz