اقمولا وبلىسىندا قوس اققۋدى اتىپ العان اڭشى ۇستالدى

بۇلاندى اۋداندىق پوليتسيا ءبولىمىنىڭ ۋچاسكەلىك ينسپەكتورلارى جۋراۆليەۆ اۋىلدىق وكرۋگىنىڭ اۋماعىندا رەيدتىك ءىس- شارالاردى وتكىزۋ كەزىندە «ي ج- يۋپيتەر 5» موتوسيكلىن مىنگەن 67 جاستاعى جەرگىلىكتى تۇرعىندى توقتاتادى. ونىڭ قۇجاتتارى مەن كولىك قۇرالىن تەكسەرۋ كەزىندە پوليتسەيلەر موتوسيكل ارباسىنان اتىلعان ەكى سۇڭقىلداق اققۋ جانە 12 كاليبرلى «ت و ز 34» تەگىس ۇڭعىلى اڭشىلىق مىلتىعىن تاپتى. ايتا كەتۋ كەرەك، قارۋ ءى ءى و تىركەلگەن، سونىمەن قاتار اۋىل تۇرعىنىنىڭ ءتيىستى اڭشى كۋالىگى بار.

ۇستالعان ەر ادامنىڭ ايتۋىنشا، ول قىزىل كىتاپقا ەنگىزىلگەن اققۋلاردى اۋلاۋعا تىيىم سالىنعانىن بىلگەن، الايدا قۇستاردى كورگەننەن كەيىن ولاردى اتىپ ولتىرگەن.

بۇل فاكت ق ر ق ك- ءنىڭ 337-بابى 1-بولىگى بويىنشا سوتقا دەيىنگى تەرگەپ- تەكسەرۋلەردىڭ ءبىرىڭعاي تىزىلىمىنە ەنگىزىلدى (زاڭسىز اڭ اۋلاۋ). قاجەتتى تەرگەۋ امالدارى جۇرگىزىلىپ جاتىر.

پوليتسەيلەر ايماقتا سۋدا جۇزەتىن قۇستاردى اۋلاۋعا تىيىم سالىنعانىن ەسكەرتەدى. ال، سۇڭقىلداق اققۋ - سانى ازايىپ بارا جاتقان ءتۇر رەتىندە قازاقستان رەسپۋبليكاسىنىڭ قىزىل كىتابىنا ەنگىزىلگەن.

رەداكتور

گۇلنۇر عازيز قىزى