قازاقستاندىقتار ەندى ەكى شەت مەملەكەتكە ۆيزاسىز ساپارلاي الادى

«جارامدى جول ءجۇرۋ قۇجاتتارى بار ق ر ازاماتىنان نيكاراگۋا رەسپۋبليكاسىنا 30 كۇننەن اسپايتىن ۋاقىتقا ءبىر نەمەسە بىرنەشە رەت بارعاندا، ترانزيتپەن وتكەندە جانە ۋاقىتشا بولعان كەزدە ولارعا ۆيزالىق تالاپتار قويلمايدى. كۇتپەگەن جاعدايلارعا (تابيعي اپات، اۋرۋ جانە ت. ب. ) تاپ بولعان ازامات دالدەمە قۇجاتتارى نەگىزىندە نيكاراگۋا رەسپۋبليكاسىنىڭ اۋماعىندا بولا تۇرۋعا رۇقسات الۋى ءتيىس»، - دەلىنگەن قاۋلىدا.

ال نيكاراگۋا رەسپۋبليكاسىنا قىزمەت بابىمەن باراتىن ازاماتتاردان ۆيزا تالاپ ەتىلەدى. سونىمەن قاتار، ۇكىمەتتىڭ ءتيىستى قاۋلىسىنا سايكەس، قازاقستاندىق تۋريستەر ەندى دومينيكان رەسپۋبليكاسىنا دا60 كۇنگە ۆيزاسىز بارا الادى.

ايتا كەتەيىك، اتالعان ەكى مەملەكەتتىڭ ازاماتتارى دا جوعارىدا كورسەتىلگەن تالاپتاردى ساقتاي وتىرىپ، ءبىزدىڭ ەلىمىزدە بەلگىلەنگەن ۋاقىتقا ۆيزاسىز كەلەدى.

مۇنداي كەلىسىمدەر 2022 -جىلى 21 -قىركۇيەكتە نيۋ- يورك قالاسىندا (ا ق ش) وتكەن تاراپتار كەزدەسۋىندە ماقۇلدانعان.

قۇجاتتاردى اشىق تالقىلاۋ 10- قاراشاعا دەيىن جالعاسادى.

فوتو: curtamais.com.br

اۆتور

ءاليحان اسقار