ت م د ۇكىمەت باسشىلارى كەڭەسىنىڭ كەلەسى وتىرىسى سوچيدە وتەدى
بۇل تۋرالى اتالعان وتىرىستان كەيىنگى بريفينگىدە ق ر پرەمەر-ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.
«ت م د ۇكىمەت باسشىلارى كەڭەسىنىڭ كەزەكتى وتىرىسىن 2023-جىلدىڭ ماۋسىم ايىندا سوچي قالاسىندا وتكىزۋ تۋرالى شەشىم قابىلداندى»، - دەدى ءا. سمايىلوۆ.
سونىمەن قاتار بۇگىنگى جيىندا ت م د ەلدەرىنىڭ ويىندارى 2023-جىلى بەلارۋس رەسپۋبليكاسىندا وتەتىنى ناقتىلاندى.
بۇدان بولەك، قوعامدىق دەنساۋلىق ساقتاۋ سالاسىنداعى سانيتارلىق-ەپيدەميولوگيالىق سيپاتتاعى توتەنشە جاعدايلار تۋرالى ەسكەرتۋ جانە ولارعا دەن قويۋ جونىندەگى ىنتىماقتاستىق تۋرالى كەلىسىم قابىلداندى.
