ت م د ەلدەرىندە ىسكەرلىك بەلسەندىلىك ارتىپ كەلەدى
بۇل تۋرالى ت م د ۇكىمەت باسشىلارى كەڭەسىنىڭ كەڭەيتىلگەن قۇرامداعى وتىرىسىندا ق ر پرەمەر-ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.
«بيىل ساۋدا-ەكونوميكالىق سالاداعى ىنتىماقتاستىقتى نىعايتۋعا ەرەكشە نازار اۋداردىق. بۇل باعىتتا ءبىز ءبىرىنشى كەزەكتە ت م د- نىڭ 2030-جىلعا دەيىنگى ەكونوميكالىق دامۋ ستراتەگياسىندا بەلگىلەنگەن ماقساتتار مەن مىندەتتەرگە باعدارلاندىق. ءبىزدىڭ ءوزارا ءىس-قيمىلىمىزدىڭ نەگىزگى قۇرامداس بولىگى پاندەميادان تۋىنداعان جاعىمسىز سالدارلاردى ازايتۋ بويىنشا كەلىسىلگەن ءىس-شارالاردى ىسكە اسىرۋ بولدى. بۇگىن بۇل جۇمىستىڭ پراكتيكالىق ناتيجەلەرىن كورىپ وتىرمىز»، - دەدى ق ر پرەمەر-ءمينيسترى.
ءاليحان سمايىلوۆ ت م د- نىڭ بارلىق ەلىندە ەكونوميكا بىرتىندەپ قالپىنا كەلىپ، ىسكەرلىك بەلسەندىلىك ارتا تۇسكەندىگىن ايتتى.
«ت م د كەڭىستىگىندە ەكونوميكالىق تۇراقتىلىقتى قامتاماسىز ەتۋ جونىندەگى ءىس-شارالاردى ىسكە اسىرۋ ماقساتىندا تۋىندايتىن پروبلەمالارعا بىرلەسكەن دەن قويۋ شارالارىنىڭ تىزبەسى قابىلداندى. قۇجات ءوزارا ينۆەستيتسيالاردى ىنتالاندىرۋ، ونەركاسىپتىك كووپەراتسيا، كەدەندىك رەتتەۋدى جەڭىلدەتۋ، جاڭا لوگيستيكالىق تىزبەكتەردى، تەرمينالدىق ينفراقۇرىلىمدى قالىپتاستىرۋ، سيفرلىق تەحنولوگيالاردى ەنگىزۋ ماسەلەلەرى بويىنشا ىنتىماقتاستىقتى تەرەڭدەتۋدى كوزدەيدى»، - دەدى ق ر ۇكىمەت باسشىسى.
