ا ق ش ەكونوميكاسى قۇلدىراۋدان كەيىن ءوستى
دەگەنمەن ساراپشىلار بۇل ۋاقىتشا كورسەتكىش ەكەنىن ايتادى. سەبەبى قىركۇيەكتەگى ينفلياتسيا 8 پروتسەنتتەن اسىپ كەتكەن. امەريكاندىقتاردىڭ جالاقىسى وسكەنىمەن جوعارى ينفلياتسيا ءبارىن جۇتىپ قويدى. ءتىپتى حالىقتىڭ جيناقتارىنا دا كەرى اسەرىن تيگىزدى. جالپى العاندا باعا 8,2 پروتسەنتكە ءوستى، ال ازىق- تۇلىك، بەنزين جانە ەڭ قاجەتتى زاتتاردىڭ قۇنى الدەقايدا جىلدام قىمباتتادى.
ساراپشىلار امەريكانىڭ ىشكى جالپى ءونىمىنىڭ ءوسۋى الداعى ايلاردا باسەڭدەيدى دەپ بولجايدى. ويتكەنى تۇتىنۋشىلار مەن بيزنەسكە فەدەرالدى رەزەرۆتىڭ جوعارى پايىزدىق مولشەرلەمەسى اسەر ەتەدى.
الەكس پەلە، ەكونوميست:
- مەنىڭ ويىمشا جوعارى ينفلياتسيا ءالى دە ماڭىزدى ماسەلە بولىپ وتىر. سونداي- اق جانارماي باعاسى دا ءسال كوتەرىلگەنىن بايقايمىز. الداعى ۋاقىتتا دا بەنزين باعاسىنىڭ ارزانداۋى نەعايبىل. سوندىقتان وعان سەنىپ وتىرا المايمىز. مەن ءدال قازىر ا ق ش ەكونوميكاسى رەتسەسسيادا دەپ ويلامايمىن. ءبىراق 2023 -جىلى نەمەسە ودان كەيىن رەتسەسسيا بولۋى ابدەن مۇمكىن.
www.24.kz
