اباي وبلىسىنىڭ لوگوتيپى تاڭدالدى
قىركۇيەك ايىنىڭ باسىندا ءوڭىر اكىمدىگى وبلىستىڭ ۇزدىك لوگوتيپىنە بايقاۋ جاريالاعان ەدى. ارنايى قۇرىلعان كوميسسيا كونكۋرستىڭ قورىتىندىسىن شىعارىپ وتىر.
كوميسسيا قۇرامىنا قوعام بەلسەندىلەرى، ونەر، ب ا ق جانە قازاقستان سۋرەتشىلەر وداعىنىڭ وكىلدەرى ەنگەن.
بارلىعى 28 اۆتوردان 47 جۇمىس ءتۇستى. داۋىس بەرۋ ناتيجەسى بويىنشا «سەمەي كوركەم» جارناما اگەنتتىگىنىڭ جۇمىسى ۇزدىك دەپ تانىلدى.
«زاماناۋي لوگوتيپتىڭ ستيلدى گەومەتريالىق سىزىقتارى بار. ۇلى ابايدىڭ وتانىن اعارتۋ مادەنيەتى تۇرعىسىنان كورسەتۋ ءۇشىن جازۋ اتريبۋتتارىن قولدانا وتىرىپ، ءبىلىم مەن مادەني اعارتۋشىلىققا باسا نازار اۋدارىلعان. بىرەگەي ءتۇس سحەماسى ايماقتىڭ تابيعي لاندشافتىنان الىنعان»، - دەلىنگەن وبلىس اكىمدىگى تاراتقان اقپاراتتا.
ال ەكىنشى جانە ءۇشىنشى ورىندارعا «ارتەكس» كومپانياسى مەن قالا تۇرعىنى ش. اقانوۆ يە بولدى. «ارتەكس» كومپانياسىنىڭ نۇسقاسىنداعى ا جانە و ارىپتەرى اباي وبلىسىنىڭ اببريەۆياتۋراسىن بىلدىرەدى.
«ش. اقانوۆ جۇمىسىندا ەلىمىزدىڭ رۋحاني استاناسى - سەمەي قالاسى مەن وبلىستىڭ ساۋلەتتىك ونەرىنىڭ مارجانى - اسپالى كوپىر بەينەلەنگەن. كوميسسيا بارلىق جۇمىستاردى ەستەتيكالىق جانە يدەيالىق مازمۇن تۇرعىسىنان زەرتتەدى»، - دەلىنگەن حابارلامادا.
