استانا قالاسىندا «ۇزدىك جاس وتباسى» بايقاۋىنا وتىنىمدەردى قابىلداۋ باستالدى

كونكۋرسقا 29-جاسقا تولماعان ەرلى- زايىپتىلار (ەرلى- زايىپتىلاردىڭ ءبىرى 29 جاسقا تولماعان بولۋى كەرەك) قاتىسا الادى، دەپ حابارلايدى ەلوردا اكىمدىگىنىڭ رەسمي سايتى.

بايقاۋدىڭ ماقساتى - جاس وتباسىلار اراسىندا مادەنيەت، سالت- ءداستۇر مەن ادامگەرشىلىك قۇندىلىقتار نەگىزىندە نەكە جانە وتباسى ينستيتۋتىن نىعايتۋ.

كونكۋرستىڭ مىندەتتەرى:

ءداستۇرلى وتباسىلىق قۇندىلىقتاردى جانە وتباسىنا دەگەن جاۋاپكەرشىلىكپەن قاراۋدى ناسيحاتتاۋ؛

- جاستار اراسىندا ۇلتتىق، مادەني داستۇرلەر مەن وتباسىلىق اۋلەتتەرگە قۇرمەت؛

- جاس وتباسىلاردىڭ ءومىر ءسۇرۋ ساپاسىن ارتتىرۋ؛

- سالاۋاتتى وتباسىلىق دەمالىستى ۇيىمداستىرۋ؛

- وتباسىلاردىڭ شىعارماشىلىق الەۋەتىن اشۋعا جاردەمدەسۋ؛

- جاس وتباسىلارعا قولايلى كوڭىل كۇي سىيلاۋ؛

- مادەني مۇرانى جانە قوعامنىڭ ۇزدىك داستۇرلەرىن ساقتاۋ.

وتباسىلار مىناداي جۇلدەلەرگە يە بولا الادى:

1-ورىن - 500000 ت گ

2-ورىن - 350000 ت گ

3-ورىن - 250000 ت گ

ءوتىنىش بەرۋ ءۇشىن Telegramm مەسسەندجەرى ارقىلى 87770104240 نومىرىنە كەلەسى قۇجاتتاردى جىبەرۋ قاجەت:

1. سكانەرلەنگەن نەكە تۋرالى كۋالىك؛

2. سكانەرلەنگەن ەرلى- زايىپتىلاردىڭ ەكەۋىنىڭ جەكە كۋالىگى؛

3. بايلانىس مالىمەتتەرى.

4. Instagram اككاۋنتى

5. «نەلىكتەن ءبىز بۇل سايىستا جەڭىسكە جەتۋىمىز كەرەك» تاقىرىبىنا بەينەروليك.