ەۋروپا ەلدەرىندەگى ەنەرگەتيكالىق داعدارىستان وتىن قىمباتتادى

وتىن قورىن جينايتىندار كوبەيگەن سايىن وتىننىڭ قۇنى شارىقتاپ، جەتىسپەۋشىلىك، ۇرلىق- قارلىق فاكتىلەرى جيىلەپ كەتتى. وتىنعا سۇرانىس مولدوۆا سياقتى كەدەي ەلدەردە عانا ەمەس، ەۋروپانىڭ اۋقاتتى ايماقتارىنا دا بايقالادى. گەرمانيانىڭ، پولشانىڭ جانە چەحيانىڭ مەملەكەتتىك ورماندارىندا اعاشقا سۇرانىس جوعارىلادى.

نەمىس ستاتيستيكالىق اگەنتتىگىنىڭ حابارلاۋىنشا، ۇيلەردى ورتالىقتان جىلىتۋعا پايدالانۋعا بولاتىن ۇگىندىلەردەن جاسالعان وتىن مەن اعاش تۇيىرشىكتەرى (تۇيىرشىكتەر) ءبىر جىل بۇرىنعىمەن سالىستىرعاندا تامىزدا %85 عا قىمباتتاعان.

بىرىككەن كورولدىكتە دە وتىنعا سۇرانىستىڭ ايتارلىقتاي ءوسۋى بايقالادى. ۇلى بريتانياداعى ەڭ ءىرى وتىن جەتكىزۋشىسى Certainly Wood وتكەن جىلمەن سالىستىرعاندا اعاش قۇنىنىڭ %15 دان %20 عا دەيىن وسكەنىن اتاپ ءوتتى.

اۆستريا پوليتسياسى وتكەن اپتادا وتىن جەتكىزۋ ءۇشىن الدىن الا تولەم تالاپ ەتىپ، كەيىن جوعالىپ كەتەتىن الاياقتار سانىنىڭ ايتارلىقتاي وسكەنىن ەسكەرتتى.