پرەزيدەنتتىككە كانديدات نۇرلان اۋەسبايەۆ اقتوبە جۇرتىمەن كەزدەستى

جالپىۇلتتىق سوتسيال-دەموكراتيالىق پارتياسى باسپا ءسوز قىزمەتىنىڭ حابارلاۋىنشا، نۇرلان اۋەسبايەۆ سايلاۋالدى ۇگىت-ناسيحات جۇمىسىن العا اۋدانى بەستاماق اۋىلىنان باستادى. اۋىلدىق مادەنيەت ۇيىندە جەرگىلىكتى تۇرعىندارمەن كەزدەسۋ وتكىزدى. تۇرعىندار ۇمىتكەرگە اقتوبە-اتىراۋ تاس جولىنا بايلانىستى ساۋالدارىن قويدى. بۇگىندە ەكى جولاقتى جول ءتورت جولاققا كەڭەيتىلىپ جاتىر ءارى جول ەلدىمەكەندى ەكىگە بولگەن. سونىمەن قاتار، جولدا كولىك قوزعالىسى جوعارى، جەڭىل جانە جۇك كولىكتەرى جۇرەدى. جەرگىلىكتى تۇرعىندار ءۇشىن ءوز قيىندىعى بار. بىرىنشىدەن، جول بويىندا ورنالاسقان ۇيدە كۇندىز-ءتۇنى كولىك دىبىسى ەستىلەدى. ەكىنشىدەن، تۇرعىندار ۇنەمى جولدى كەسىپ وتۋگە ءماجبۇر، ال بۇل - وتە قاۋىپتى. دەمەك، اينالما جول سالۋ وزەكتى ماسەلە.

كەزدەسۋدەن كەيىن نۇرلان اۋەسبايەۆ اتى اڭىزعا اينالعان باتىر، قولباسشى ەسەت باتىردىڭ كەسەنەسىنە باردى. قازاق حالقىنا اماندىق پەن باق-بەرەكە تىلەپ، قۇران باعىشتادى.

ەسكە سالساق، ق ر پرەزيدەنتى سايلاۋىنا كانديدات نۇرلان اۋەسبايەۆقا قولداۋ كورسەتەتىن شتاب اشىلدى. شتابتا باسپا ءسوز قىزمەتى، جوبا ۇيلەستىرۋشىلەرى، SMM جانە باسقا دا ماماندار جۇمىس ىستەيدى.