عالىمجان ءپىرماتوۆ بازالىق مولشەرلەمەنىڭ نەگە كوتەرىلگەنىن ءتۇسىندىردى
بۇل تۋرالى ۇلتتىق بانكتىڭ باسقارما ءتوراعاسى عالىمجان ءپىرماتوۆ ارنايى بريفينگىدە ايتتى، دەپ حابارلايدى قازاقپارات ءتىلشىسى.
«ۇلتتىق باكتىڭ اقشا-كرەديت ساياساتى كومتەتى 27- قازاننان باستاپ بازالىق مولشەرلەمەنى 16 پايىزعا دەيىن كوتەرۋ جونىندە شەشىم قابىلدادى. شەشىم ينفلياتسيانىڭ جەدەلدەۋىنە جانە باعانىڭ ءوسۋى ءبىزدىڭ بولجامدى باعالاۋىمىزدان ەداۋىر جوعارى قالىپتاسۋىنا بايلانىستى قابىلداندى. بيىلعى جىلدىڭ سوڭىنا قاراي ينفلياتسيانىڭ 16-18 پايىز ارالىعىندا قالىپتاساتىنىن بولجاعان ەدىك. قىركۇيەك ايىندا ناقتى ينفلياتسيانىڭ جاسالعان بولجامنان اسىپ ءتۇسۋى، ينفلياتسيالىق كۇتۋلەردىڭ وڭ فيسكالدىق سەرپىن اياسىنداعى ينفلياتسيانىڭ كومپونەنتتەرىنىڭ تۇراقتىلىعىنىڭ، جوعارى سىرتقى ينلياتسيانىڭ، تاۋار جەتكىزۋ جولدارىنىڭ بۇزىلۋىنىڭ، رەسەيدەن جوعارى ينفليايتسيا يمپورتىنىڭ جالعاسۋىنىڭ، سونداي-اق ءوندىرىس شىعىندارىنىڭ ءوسۋىنىڭ سالدارىنان ورىن الدى. ينفلياتسيانىڭ تۇراقتى ءوسۋىنىڭ ايقىن بەلگىلەرى بايقالۋدا»، - دەدى بانك ءتوراعاسى. سونداي-اق ول قازىرگى ينفلياتسيانىڭ ءوسۋى ۇزاققا سوزىلۋى مۇمكىن ەكەنىن اتاپ ءوتتى.
«مۇنداي جاعدايدا ونىڭ قارقىندى ءوسۋى ۇزاققا سوزىلۋى ىقتيمال. وسىنىڭ ءبارى اقشا-كرەديت تالاپتارىن قاتاڭداتۋعا باعىتتالعان شەشۋشى شارالار قابىلداۋدى قاجەت ەتەدى. ناقتى بازالىق مولشەرلەمەنىڭ ءوزىنىڭ قالىپتى مانىنەن ۇزاق ۋاقىتقا ايتارلىقتاي اۋىتقۋىنا جول بەرمەگەن ءجون. سەبەبى بۇل ينفلياتسيالىق پروتسەستىڭ باقىلاۋدان شىعۋىنا اكەلىپ، كەيىنگى جىلدارى ينفلياتسيانى تۇراقتاندىرۋ مۇمكىندىگىن ازايتادى»، - دەدى عالىمجان ءپىرماتوۆ.
ەسكە سالساق، ۇلتتىق بانك بازالىق مولشەرلەمەنى %16 عا دەيىن كوتەردى.
