قازاق-قىرعىز شەكاراسىنان زاڭسىز وتپەك بولعان پاكىستاننىڭ ءتورت ازاماتى ۇستالدى
تاراز. قازاقپارات - جامبىل وبلىسىندا شەكارادان زاڭسىز وتپەك بولعان پاكىستاننىڭ ءتورت ازاماتى ۇستالدى، دەپ حابارلايدى قازاقپارات ۇلتتىق قاۋىپسىزدىك كوميتەتىنە سىلتەمە جاساپ.
وقيعا 22- قازاندا «جاسوركەن» شەكارا بولىمشەسىندە بولعان.
بىرلەسكەن جەدەل-ىزدەستىرۋ شارالارىنىڭ ناتيجەسىندە شەكاراشىلار مەن ۇ ق ك جامبىل وبلىسى بويىنشا دەپارتامەنتىنىڭ قىزمەتكەرلەرى قىرعىز رەسپۋبليكاسىنان قازاقستانعا مەملەكەتتىك شەكارا ارقىلى زاڭسىز وتپەك بولعان ءتورت شەتەلدىكتى ۇستادى.
كوميتەتتىڭ مالىمەتىنشە، تورتەۋى دە - پاكىستان ازاماتتارى.
وسى فاكت بويىنشا قۇزىرەتتى ورگاندار جەدەل-تەرگەۋ امالدارىن جۇرگىزىپ جاتىر.
