امەريكالىق ساراپشىلار تۇماۋدىڭ اسقىناتىن ۋاقىتى تۋرالى ەسكەرتىپ جاتىر
ABC news تەلەارناسى ا ق ش- تاعى اۋرۋحانالاردا پەدياتور بولىمدەرى سوڭعى ەكى جىلدا ەڭ جوعارى دەڭگەيدە تولىپ قالعان. ا ق ش دەنساۋلىق ساقتاۋ جانە حالىققا قىزمەت كورسەتۋ دەپارتامەنتىنىڭ مالىمەتى بويىنشا، بۇكىل ەلدە اۋرۋحانالار رەسپيراتورلىق اۋرۋلارى بار كىشكەنتاي ناۋقاستارعا تولى، ولار قازىرگى ۋاقىتتا شامامەن 40 مىڭ اۋرۋحانا توسەگىنىڭ %71 ىن قۇرايدى.
رود-ايلەند شتاتىنداعى حاسبرو اۋرۋحاناسىنىڭ بالالار جۇقپالى اۋرۋلارى ءبولىمىنىڭ مەڭگەرۋشىسى، دوكتور مايكل كوستەر قىركۇيەكتىڭ ورتاسىنان قازان ايىنىڭ ورتاسىنا دەيىن ج ر ۆ ي اسقىنىپ، اۋرۋحاناعا تۇسكەن جاس پاتسيەنتتەردىڭ سانى ەكى ەسە وسكەنىن ايتتى.
«ءبىز 100 ميلدەن استام قاشىقتىقتا ورنالاسقان اۋدانداردان كەلگەن پاتسيەنتتەردى قابىلدايمىز، ويتكەنى ولاردىڭ جەرگىلىكتى بالالار اۋرۋحاناسى تولىپ نەمەسە جابىلىپ قالعان»، - دەدى م. كوستەر ABC News-كە.
جەرگىلىكتى ساراپشىلاردىڭ پايىمداۋىنشا، تۇماۋدىڭ اسقىنۋى ءىشىنارا COVID-19 شەكتەۋلەرىن جەڭىلدەتكەننەن تۋىنداۋى مۇمكىن.
«بىزدە كوروناۆيرۋس پاندەمياسىمەن كۇرەسۋدەگى بارلىق كۇش-جىگەردىڭ ناتيجەسىندە تىنىش ۋاقىت بولعان. ياعني، بۇرىن جىل سايىن وتكەرىپ جۇرگەن كەيبىر ۆيرۋستار «ورالىپ»، قازىر ودان سايىن كۇشەيگەنىن كورىپ وتىرمىز»، - دەدى بوستون بالالار اۋرۋحاناسىنىڭ مەديتسينالىق قىزمەتكەرى دجون براۋنشتەين.
CDC مالىمەتتەرى بويىنشا، وتكەن اپتادا عانا 1674 ناۋقاس تۇماۋدىڭ اسقىنۋىمەن اۋرۋحاناعا جاتقىزىلدى.
«ادەتتە تۇماۋ جۇقتىرعاندار سانى قاراشادا نەمەسە جەلتوقساندا ارتىپ، اقپاندا ەڭ جوعارى دەڭگەيگە جەتەدى. ءبىراق، بيىل قازاندا تۇماۋ ءورشىپ كەتتى»، - دەدى مامان.
