اقمولا مەن پاۆلوداردىڭ پوليتسەيلەرى جول بويىندا ءجۇر - ۆيدەو

22-قازاندا كەيبىر جول ۋچاسكەلەرىندە كولىكتىڭ بارلىق تۇرلەرى ءۇشىن جول قوزعالىسى جابىلدى. الايدا، ەسكەرتۋلەرگە قاراماستان ترانزيتپەن كەلە جاتقان كولىك يەلەرى جولدا تۇرىپ قالدى.

اقمولا پوليتسەيلەرى وبلىس ورتالىعىنان ءتۇرلى باعىتتارداعى اۆتوكولىكتەردىڭ باعاندارىن سۇيەمەلدەپ، كولىك قۇرالدارىنىڭ جۇرگىزۋشىلەرىنە ءتۇسىندىرۋ جۇمىستارىن جۇرگىزۋدە. 250-دەن استام كولىكتەن تۇراتىن باعان قۇرعان پاترۋلدىك پوليتسيانىڭ 3 ەكيپاجى اۆتوكولىكتەردى ەلوردا باعىتىنا جەتۋگە جاردەمدەسىپ جاتىر.

«23-قازان، قاتتى كوكتايعاق. شۋچينسك قالاسى باعىتىندا باعان قالىپتاستىرۋدامىز. 200 كولىكتىڭ 150 گە جۋىعى جازعى شينالارمەن ءجۇر. كوبىنەسە ترانزيتشىلەر»، - دەپ اتاپ ءوتتى اقمولا وبلىسى پ د جەرگىلىكتى پوليتسيا قىزمەتى باسقارماسىنىڭ باستىعى اسلان قىزبيكەنوۆ.

سول سياقتى، پاۆلودار وبلىسىندا دا اۋا رايىنىڭ ناشارلاۋىنا بايلانىستى قۇزىرلى ۆەدومستۆو جول قوزعالىسىنىڭ بارلىق قاتىسۋشىلارىن جول قوزعالىسى ەرەجەلەرىن قاتاڭ ساقتاۋعا، جىلدامدىق پەن قاشىقتىقتى بۇزباۋعا، تەك تەحنيكالىق جارامدى كولىكپەن جۇرۋگە شاقىردى.