قاڭتاردا پرەزيدەنت شەشىمدى قالاي قابىلدادى - ءماجىلىس سپيكەرىنىڭ سۇحباتى

«مەنىڭ كوزىمشە بولعان ءبىر جاعدايدى ايتايىن. الماتىدا جانە وڭىرلەردە وسىنداي جاعداي بولىپ جاتقان كەزدە مەن پرەزيدەنتتىڭ كابينەتىندە بولدىم. سول كەزدە پرەزيدەنتتىڭ كۇزەت قىزمەتكەرى كىرىپ كەلىپ، ايتتى: «پرەزيدەنت مىرزا، اقورداعا شابۋىل جاسالۋى مۇمكىن، ءسىزدى باسقا قاۋىپسىز جەرگە كوشىرۋىمىز كەرەك»، - دەپ. سول كەزدە مەن پرەزيدەنتتى باسقا قىرىنان كوردىم. ول تۇرىپ، قاتتى ايتتى: «مەن ەشقايدا بارمايمىن. نە بولسا دا، وسى جەردە كورەمىن»، - دەدى. تۋرا وسىدان ارتىق ءسوز ايتقان جوق. قاتتى ايتتى دا، كۇزەت قىزمەتىن قويا بەردى. سول كەزدە مەن پرەزيدەنتتىڭ باتىلدىعىن دا، مىنەزىن دە كوردىم»، - دەدى ەرلان قوشانوۆ.

قوسا كەتسەك، سۇحبات اياسىندا ءماجىلىس سپيكەرى پرەزيدەنت سايلاۋىنىڭ نە سەبەپتى كۇزگە بەلگىلەنگەنىن مالىمدەپ ەدى. ونىڭ ايتۋىنشا، بۇل - وسى كەزگە دەيىن قابىلدانعان ساياسي رەفورمالادى ورىندايتىن جانە ساياسي ينستيتۋتتاردىڭ جاڭاشا جۇمىس ىستەيتىن كەزەڭنىن باستاۋى بولماق.