استانالىق جول ساقشىلارى ەسكەرتۋ جاسادى
استانا. قازاقپارات - ەلوردالىق پوليتسەيلەر جۇرگىزۋشىلەر مەن جاياۋ جۇرگىنشىلەردى ساق بولۋعا شاقىرادى، دەپ حابارلايدى قازاقپارات.
«جۇرگىزۋشىلەر مەن جاياۋ جۇرگىنشىلەرگە اۋا رايىنىڭ ناشارلاۋىنا بايلانىستى جولداردا قيىن جاعداي تۋىنداۋى مۇمكىن ەكەنىن ەسكەرتەمىز. كولىك قۇرالىن باسقارۋ كۇردەلەنە تۇسەدى، ياعني اپاتتار ىقتيمالدىعى ارتادى. قالا جولدارىندا جانە جەكەلەگەن ۋچاسكەلەردە، اتاپ ايتقاندا جول وتكەلدەرىندە، اينالما جولدا كورۋ مۇمكىندىگىنىڭ شەكتەلەتىنىن ەسكەرۋ قاجەت، كوكتايعاق بولۋى مۇمكىن، - دەپ جازدى قالالىق پوليتسيا دەپارتامەنتىنەن.
حابارلامادا جازىلعانداي، جۇرگىزۋشىلەر جىلدامدىق رەجيمىن، قاشىقتىقتى ساقتاپ، جول بەلگىلەرىنىڭ تالاپتارىن ورىنداۋ قاجەت. جاياۋ جۇرگىنشىلەر جولدان ءوتۋ كەزىندە كولىكتىڭ تەجەگىش مۇمكىندىگى ىلعالدى جانە تايعاق جولدا ۇلعاياتىنىن ەسكەرۋ كەرەك.
