ازەربايجان قازاقستانمەن بالىق شارۋاشىلىعى بويىنشا ارىپتەستىكتى جەتىلدىرۋگە ىنتالى
باسپا ءسوز قىزمەتىنىڭ مالىمەتتەرىنە قاراعاندا، ەكى ەل مينيسترلەرى گەولوگيا سالاسىنان باستاپ، بالىق شارۋاشىلىعىنا دەيىنگى ىنتىماقتاستىق ماسەلەلەرىن تالقىلادى.
ەكى ەل ۆەدومستۆولارىنىڭ اراسىنداعى ارىپتەستىكتىڭ ماڭىزدى ەكەنىن ايتقان س. برەكەشيەۆ سۋ سالاسىنا دا توقتالىپ، ءازىربايجان تاراپىنىڭ بۇل باعىتتا اتقارىپ وتىرعان جۇمىستارىن تىڭدادى.
م. بابايەۆ 2030-جىلعا دەيىن بالىق شارۋاشىلىعىن دامىتۋ تۋرالى ق ر ۇكىمەتىنىڭ ارنايى باعدارلاماسىن تىڭدادى. وسى رەتتە ول بالىق شارۋاشىلىعى بويىنشا جەمىستى جۇمىس ىستەپ وتىرعان كاسىپورىندار تۋرالى ايتىپ، قازاقستان تاراپىنا ودان ءارى ارىپتەستىك ورناتۋ تۋرالى ۇسىنىس جاسادى.
جۋىردا عانا ورمان شارۋاشىلىعى بويىنشا فين تاراپىمەن كەلىسسوز جۇرگىزگەن س. برەكەشيەۆ باكۋدەگى ارىپتەسىن ورمان فورۋمىنا جانە تابيعي پاركتەرگە ينۆەستيتسيا تارتۋ ماقساتىندا، قازاقستانعا شاقىردى.
اتالعان باستامانى قۇپ كورگەن م. بابايەۆ پايدالى قازبالاردى زەرتتەۋ بويىنشا دا ىنتىماقتاستىقتىڭ جاڭا دەڭگەيىندە جۇمىس اتقاراتىندارىنا سەنىم ءبىلدىردى.
ودان بولەك، كەزدەسۋ سوڭىندا برەكەشيەۆ پەن بابايەۆ ارىپتەستىك تانىتۋعا نيەت تۋرالى حاتتاماعا قول قويدى.
