نەلىكتەن سۇلەيمەن سۇلتان كوفە ىشۋگە تىيىم سالعان؟

ءبىراق «تاماشا عاسىر» سەريالىندا سۇلەيمەن سۇلتان ونى ىشۋگە مەملەكەتتىك دەڭگەيدە تىيىم سالعانىن كورسەتەدى.

تۇرىك كوفەسى وسمان يمپەرياسىنىڭ، سودان سوڭ تۇركيانىڭ ءبىر سيمۆولىنا اينالدى. ءبىراق بۇل ىستىق سۋسىن ەلدە ءارقاشان مۇنداي قۇرمەتكە يە بولعان جوق. كەزىندە ديناستيا بيلەۋشىلەرى كوفە ەلدى بۇزادى دەپ تە ساناعان.

كوفە وسمان يمپەرياسىنا 1555 -جىلى سيريادان اكەلىنگەن. تۇرىك ساراي ادامدارى ەرەكشە ەكزوتيكالىق سۋسىندى جوعارى باعالاپ، ەلگە كوفە داندەرىمەن بىرگە رەتسەپت الىپ كەلەدى. باستاپقىدا كوفە سۇلەيمەن سۇلتانعا ۇنايدى جانە ول وعان رۇقسات بەرەدى. تۇرىك كوفەسى جىلدام كەڭ تارالىپ، ادامدار كوفەحانالاردا كوپ وتىراتىن بولادى.

كوفە شاعىن مىس ىدىستا قايناتىلىپ، ءبىر جۇتىم عانا قۇيىلاتىن كىشكەنتاي كەسەمەن ۇسىنىلعان. سۋسىن جەرگىلىكتى تۇرعىندار اراسىندا تەز تانىلىپ، ءار بۇرىشتا كوفەحانلار اشىلعان. ءبىراق كوپ ۇزاماي كوفەگە تىيىم سالىندى. بۇل ءساتتى «تاماشا عاسىر» سەريالىندا دا كورسەتتى. كوفەنى جاقسى كورەتىن حيۋررەم ءولىم الدىندا ءبىر كەسە ىستىق كوفەنى ىشكىسى كەلەدى، سوندىقتان ونىڭ ادال قىزمەتشىسى زاڭدى بۇزىپ، ونىڭ قالاۋىن ورىندايدى.

نەلىكتەن كوفەگە تىيىم سالىندى؟

كوفەگە قارسى كۇرەستىڭ باستالۋىن سۇلەيمەن I سۇلتانىنا تىركەسە دە، تاريحشىلار بۇل باستاما ەبۋسۋۋلا ەفەنديدەن بولعانىن ايتادى. كوفەنى ىشۋگە تىيىم سالىنعان فەتۆادا بىلاي جازىلعان دەلىنەدى: قۇراندا مۇسىلماندارعا تاماققا «قارا جانە كۇيگەن» ونىمدەردى قولدانۋعا بولمايدى دەپ جازىلعان. ءداندى قۋىرعاندىقتان ونى كۇيىك اس ساناپ، وعان تىيىم سالىنعان. سونداي-اق كوفەنى الكوگولگە جاتقىزعان.

ءبىراق نەگىزىندە كوفەگە تىيىم سالۋدىڭ باسقا سەبەبى بولدى. سۇلەيمەن سۇلتان تۇرعىندار جۇمىس ىستەۋدىڭ ورنىنا كوفەحاناداعى وتىرىستارعا كوپ ۋاقىت جۇمساعاندىقتان وعان تىيىم سالادى.

جاپپاي كوفەحانالاردىڭ جابىلۋىنىڭ تاعى ءبىر سەبەبى - ولاردىڭ بيلىك جايلى جاعىمسىز اڭگىمەلەر ايتىلاتىن «جەرلەرگە « اينالۋى. سۇلەيمەن سۇلتان بۇعان جول بەرە المادى. بۇل تىيىم زاڭ جۇزىندە ىسكە اسۋى ءۇشىن شەيح ۋل-يسلام مەحمەد ەبۋسسۋۋد-ەفەندي سايكەس فەتۆا شىعاردى.

ماسساگەت