ۇلى دالانىڭ اۋەزدەرىن الەم جۇرتشىلىعى اعىلشىن تىلىندە تىڭداپ، قازاق مادەنيەتىمەن جاقىن تانىسۋعا مۇمكىندىك الدى

ا ق ش- تا جۇرگەن وتانداسىمىز ەرتاي سۇلتان ءوز كۇشىمەن پودكاستتار سەرياسىن جاساپ شىعاردى.

ەرتاي سۇلتان، ا ق ش- تاعى وتانداسىمىز:

- ماقساتىم - كوشپەندى بابامىزعا عانا ءتان تەرەڭ مادەنيەتتى تانىتۋ. امەريكالىق ازامات كريس ەليسسون دومبىرا ۇنىنە ۇيىپ، اڭىزعا قۇرالعان قازاق كۇيلەرىنىڭ تاريحىمەن تانىسىپ وتىر. بۇرىن- سوڭدى ەستىمەگەن تاڭسىق اسپاپتار قوبىز، سازسىرناي دىبىسى دا وعان تاڭسىق. قازىر بوس ۋاقىتىندا كەپتەلىستە تۇرعاندا پودكاست تىڭداپ، دالا مادەنيەتىمەن جاقىنىراق تانىسا باستاعان.

كريس ەليسسون، ۆاشينگتون تۇرعىنى:

- بۇل دىبىس مەنى تاۋلاردىڭ ىشىنە جۇرگەندەي اسەرگە بولەيدى. اسىرەسە دومبىرا.

«ۇلى دالانىڭ كونە سارىندارى» انتولوگياسىنداعى تاڭدامالى شىعارمالاردى ىرىكتەپ، اعىلشىنشا سويلەتكەن - ەرتاي سۇلتان. تىگىسىن جاتقىزىپ، عىلىمي تىلدەن، قاراپايىم تىڭدارمانعا تۇسىنىكتى بولۋى ءۇشىن پۋبليتسيستيكاعا بەيىمدەگەن. شەت ەلدىكتەردى قىزىقتىرۋ ءۇشىن بەلگىلى ءبىر اڭىز، ءافساناعا قۇرىلعان تۋىندى تاريحىن باياندايدى. مىسالى، «اقساق قۇلان» كىمدى بولسا دا باۋرايدى.

ەرتاي سۇلتان ، «ۇلى دالا اۋەزدەرى» پودكاستىنىڭ اۆتورى:

- دومبىرانى ەستىرتكەننەن كەيىن كومەيىنە قورعاسىن قۇيادى. بۇل وقيعا ەندى بۇلارعا شىن مانىندە تاڭسىق. ەكىنشىدەن بىزدەگى فيلوسوفيالىق قابىلداۋدى كورسەتەدى. جالپى دالا مادەنيەتىنىڭ كوشپەندى مادەنيەتىنە عانا ءتان ءبىر فيلوسوفيالىق پارديگمالار بار. العاشقى پودكاست دومبىرادان باستالسا، ودان كەيىن قوبىز، سازسىرناي، سىبىزعى سىندى ەرەكشە مۋزىكالىق اسپاپتار تۋرالى دا اقپارات بار. ودان بولەك، قۇرمانعازى، دينا نۇرپەيىسوۆا، ىقىلاس دۇكەن ۇلى، تاتتىمبەت قازانعاپ ۇلى سياقتى تۇلعالاردىڭ دا شىعارماسىن جۇپ- جۇمىر ەتىپ تانىستىرىپ وتكەن. ازىرگە بارلىعى 11 پودكاست دايىن تۇر. اۆتوردىڭ ايتۋىنشا، تىڭدارمان قاۋىمى جاقسى باعاسىن بەرىپ ۇلگەرگەن.

ەرتاي سۇلتان، «ۇلى دالا اۋەزدەرى» پودكاستىنىڭ اۆتورى:

- مۋزىكا تاريحى كاتەگورياسى بويىنشا كوستا- ريكادا ءبىرىنشى ورىنعا شىققان. ال ا ق ش- تا مۋزىكا كاتەگورياسى بويىنشا 88- ورىندا تۇر. ول - ءبىز ءۇشىن ۇلكەن قۋانىش. ءبىر- بىرىمىزگە سۇيىنشىلەپ، وسى جاڭالىقتى جەتكىزىپ، قۋانىپ وتىرمىز. ازىرگە وسى كورسەتكىشتى ۇستاپ تۇرۋىمىز كەرەك، ودان دا جاقسى كورسەتكىشكە جەتۋ ءۇشىن جۇمىس ىستەيمىز.

پودكاستتىڭ قۇپياسى مەن قيىندىعىن انىقتاۋ ءۇشىن تىڭداپ وتىرعان ادام اقپاراتتى ارتقا اينالدىرماۋى كەرەك. وقيعا جەلىسىمەن ءجۇرىپ وتىرۋى ءتيىس. ول ءۇشىن اعىلشىن ءتىلىن يگەرگەندىگى جەتىك بولماسا دا بەلسەندى دايىندالعان. ۇلى دالانىڭ اۋەزدەرىن اعىلشىنشا ۇيرەنىپ جۇرگەندەر دە بارلىق پودكاست پلاتفورمالارىنان تابا الادى.

اۆتورى: نۇربەك بەكەن

www.24.kz