مەرەكە كۇندەرى حالىققا قىزمەت كورسەتۋ ورتالىقتارى قالاي جۇمىس ىستەيدى

«25-قازاندا ەلىمىز رەسپۋبليكا كۇنىن اتاپ وتەدى. مەرەكە كۇندەرى 23، 24 جانە 25-قازاندا ەلىمىز بويىنشا حالىققا قىزمەت كورسەتۋ ورتالىقتارى، ونىڭ ىشىندە مامانداندىرىلعان ورتالىقتار دا جۇمىس ىستەمەيدى»، - دەلىنگەن رەسمي اقپاراتتا.

دەگەنمەن حابارلامادا ايتىلعانداي، وبلىس ورتالىقتارى مەن رەسپۋبليكالىق ماڭىزى بار قالالاردا كەزەكشى حالىققا قىزمەت كورسەتۋ جانە مامانداندىرىلعان ورتالىقتار 24-قازان كۇنى 09.00-دەن 13.00-گە دەيىن قىزمەت كورسەتەدى.

«سونداي- اق، 22-قازان جۇمىس كۇنى بولىپ بەكىتىلگەنىن ەسكە سالامىز. بۇل كۇنى ورتالىقتار كليەنتتەردى ساعات 09.00-دەن 18.00-گە دەيىن قابىلدايدى. 26-قازاننان باستاپ ازاماتتار مەملەكەتتىك قىزمەتتەردى ادەتتەگى جۇمىس كەستەسى بويىنشا الا الادى»، - دەيدى ۆەدومستۆودان.