يران: رەسەيگە درون ساتقان جوقپىز

ال «رەسەيگە دروندى يران بەردى» دەگەن اقپاراتتى ا ق ش جانە ۋكراينانىڭ اقپارات قۇرالدارى تاراتقان.

وندا «تەگەران ۋكرايناداعى قارۋلى قاقتىعىستا قولدانۋ ءۇشىن ماسكەۋگە دروندارىن بەردى» دەلىنگەن. كەشە ۆلاديمير زەلەنسكي دە يسلام رەسپۋبليكاسىن ايىپتاپ، ءتيىستى مالىمدەمە جاساعان ەدى. الايدا يران جاعى دا، رەسەي تاراپى دا مۇنى جوققا شىعارىپ وتىر.

امير سايد يراۆاني، يراننىڭ ب ۇ ۇ جانىنداعى تۇراقتى وكىلى:

- يران ۋكرايناداعى قارۋلى قاقتىعىستا قولدانۋ ءۇشىن رەسەيگە دروندارىن بەردى دەگەن اقپاراتتى ءۇزىلدى- كەسىلدى جوققا شىعارادى. ءبىزدىڭ ەلگە قارسى باعىتتالعان ساياسي ناۋقاندى جۇرگىزۋ ءۇشىن مۇنداي جالعان اقپاراتتىڭ تارالۋى وكىنىشتى.

دميتري پوليانسكي، رەسەيدىڭ ب ۇ ۇ جانىنداعى تۇراقتى وكىلىنىڭ ءبىرىنشى ورىنباسارى:

- رەسەيدىڭ تەحنولوگيالىق مۇمكىندىكتەرىن جەتە باعالاۋعا كەڭەس بەرەمىز. ءبىز ۇشقىشسىز باسقارىلاتىن ۇشۋ اپپاراتتارىن ءوزىمىز جاساپ شىعارامىز. ب ۇ ۇ يراننىڭ دروندارىنا قاتىستى تەرگەۋگە قاتىسپايدى دەپ ويلايمىز. كەرى جاعدايدا رەسەي بۇل حالىقارالىق بىرلەستىكپەن ىنتىماقتاستىعىن قايتا قاراستىرۋعا ءماجبۇر بولادى.

www.24.kz