ۇلان تامعابايەۆ جەڭىلىپ كورمەگەن وزبەك فايتەرىنەن باسىم ءتۇستى

استانا. قازاقپارات - قازاقستاندىق ارالاس جەكپە- جەك شەبەرى ۇلان تامعابايەۆ بىرىككەن اراب امىرلىكتەرىندەگى ازيانىڭ ەڭ مىقتى پروموۋشندارىنىڭ ءبىرى UAE Warriors الاڭىندا العاشقى ايقاسىن وتكىزدى، دەپ حابارلايدى قازاقپارات Sports.kz رەسۋرسىنا سىلتەمە جاساپ.

قازاقستاندىق بوكسشىنىڭ ازيالىق پروموۋشنداعى وزبەككە قارسى جەكپە- جەگى سەنساتسيامەن اياقتالدى.

تامعابايەۆ وزبەكستاندىق قارسىلاسى جاۆوحير يماموۆپەن كەزدەستى (7:0).

كەزدەسۋ تورەشىلەردىڭ شەشىمىمەن قازاقستاندىق بوكسشىنىڭ جەڭىسىمەن اياقتالدى.

ايتا كەتەيىك، وسىعان دەيىن ۇلان ارالاس جەكپە- جەكتەگى كاسىبي مانسابىندا 15 جەكپە- جەك وتكىزىپ، سەگىز رەت جەڭىسكە جەتىپ، جەتى مارتە ساتسىزدىككە ۇشىراعان.

فوتو: sports.kz

اۆتور

سماعۇلوۆا ەركەجان