عارىش تەلەسكوبى تاعى دا عارىشتان تاڭعاجايىپ سۋرەتتەر ءتۇسىردى

«جاراتىلىس تىرەكتەرى» شىن مانىندە جەردەن شامامەن 6500 جارىق جىلىنا تەڭ قاشىقتىقتا ورنالاسقان. بۇل - جىلان شوقجۇلدىزىنداعى سۋتەگى گازى مەن عارىش شاڭىنان تۇراتىن سۋىق، تىعىز بۇلتتار.

بۇل سۋرەتتى ءاربىر قۋاتتى تەلەسكوپ تۇسىرگەن، سونىڭ ىشىندە «حاببل» ەكى رەت، 1995 جانە 2014 -جىلدارى ءتۇسىرىپ الدى.

«دجەيمس ۋەبب» تاعى ءبىر كەرەمەت كورىنىس سىيلادى.

«تىرەكتەر» استرونومدار مەسسە 16، (M16) نەمەسە بۇركىت تۇماندىعى دەپ اتايتىن قۇبىلىستىڭ ءدال ورتاسىندا ورنالاسقان. بۇل - جۇلدىز تۇزىلەتىن بەلسەندى ايماق.

ينفرا قىزىل دەتەكتورلارمەن جابدىقتالعان «ۋەبب» جاڭا تۋعان كۇندەردىڭ بەلسەندىلىگىن زەرتتەۋگە كومەكتەسەتىن، تىرەكتەردى قۇرايتىن شاڭ بولشەكتەرىندەگى جارىقتىڭ شاشىراۋ اسەرلەرىنىڭ كوپ بولىگىن كورە الادى.

«مەن «بۇركىت تۇماندىعىن» 1990 -جىلداردىڭ ورتاسىنان باستاپ زەرتتەپ، حاببل كورسەتكەن بىرنەشە جارىق جىلىنا سوزىلعان تىرەكتەردىڭ ىشىنە ءۇڭىلىپ، ىشىنەن جاس جۇلدىزداردى تابۋعا تىرىستىم. «دجەيمس ۋەببتىڭ» بۇل جەردە تۇسىرگەن سۋرەتتەرى تاڭعالارلىق بولاتىنىنا ءارقاشان سەنىمدى بولدىم. ءدال سولاي بولىپ شىقتى»، - دەدى ەۋروپا عارىش اگەنتتىگىنىڭ اعا عىلىمي كەڭەسشىسى، پروفەسسور مارك ماككوريان اگەنتتىككە بەرگەن سۇحباتىندا.

فوتو: bbc.com

اۆتور

زارينا تۋعانبايەۆا