اتىراۋدا بىرنەشە رەت پارا العان دەپارتامەنت باسشىسى سوتتالدى

ەڭبەك، الەۋمەتتىك قورعاۋ جانە كوشى- قون كوميتەتى اتىراۋ وبلىسى بويىنشا دەپارتامەنتىنىڭ باسشىسى بىرنەشە پارا العان. وعان قاتىستى قىلمىستىق ءىس اتىراۋداعى №2-قالالىق سوتىندا قارالدى.

بىرنەشە رەت پارا الۋ كۇدىگىنە ىلىنگەن دەپارتامەنت باسشىسى گ. مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادام بولا تۇرا، قىزمەت بابىن پايدالانىپ، الاياقتىق جاساۋ دەرەگىمەن تەرگەلگەن. دەپارتامەنت باسشىسىنا بىرنەشە رەت پارا بەرگەن ك. -عا، پاراقورلىققا دەلدال بولعان ز. -عا قاتىستى قىلمىستىق ءىس قوزعالعان.

«مەملەكەتتىك فۋنكسيالاردى ورىنداۋعا ۋاكىلەتتىك بەرىلگەن ادام بولا تۇرا گ. قىزمەتتىك وكىلەتتىكتەرىنە كىرەتىن جانە لاۋازىمىنى بايلانىستى ءوزىنىڭ سەنىمدى تۇلعاسى دەلدال ز. ارقىلى ك. -نىڭ پايداسىنا ارەكەت جاساپ، بىرنەشە رەت پارا العان. سونىمەن قاتار، كۇدىكتى ر. مەن ب. -نىڭ سەنىمىنە كىرىپ، 30000 تەڭگە كولەمىندە اقشا قاراجاتىن الاياقتىقپەن يەمدەنگەن»، - دەپ حابارلادى №2-قالالىق سوتتىڭ باسپا ءسوز قىزمەتى.

سوتتالۋشىلار قىلمىستىق ىسكە بايلانىستى جيناقتالعان دالەلدەمەلەردى، ءىس- ارەكەتتىڭ سارالانۋىن داۋلامايتىنىن، كىنانى مويىنداۋ تۋرالى پروتسەستىك كەلىسىمدى جاساۋدى سۇراعان. سوت تەرگەۋى كەزىندە پروكۋروردىڭ، سوتتالۋشىلار مەن ولاردىڭ ادۆوكاتتارىنىڭ قاتىسۋىمەن كىنانى مويىنداۋ تۋرالى پروتسەستىك كەلىسىم جاساقتالعان.

«سوت ۇكىمىمەن سوتتالۋشى گ. قر قىلمىستىق كودەكسىنىڭ 366-بابىنىڭ 3-بولىگى 4-تارماعىمەن كىنالى دەپ تانىلىپ، مەملەكەتتىك قىزمەتتە جانە مەملەكەتتىك ۇيىمداردا لاۋازىمداردى اتقارۋ قۇقىعىنان ءومىر بويىنا ايىرا وتىرىپ، وعان 4900000 تەڭگە ايىپپۇل سالۋ جازاسى تاعايىندالدى. سوتتالۋشى ز. اتالعان قۇجاتتىڭ 368-بابىنىڭ 2-بولىگىمەن كىنالى دەپ تانىلىپ، مەملەكەتتىك قىزمەتتە جانە مەملەكەتتىك ۇيىمداردا لاۋازىمداردى اتقارۋ قۇقىعىنان ءومىر بويىنا ايىرىلىپ، 1350000 تەڭگە ايىپپۇل سالۋ جازاسىنا سوتتالدى. ال، سوتتالۋشى 367-باپتىڭ 3-بولىگى 3-تارماعىمەن كىنالى دەپ تانىلعان ك. مەملەكەتتىك قىزمەتتە جانە مەملەكەتتىك ۇيىمداردا لاۋازىمداردى اتقارۋ قۇقىعىنان ءومىر بويىنا ايىرا وتىرىپ، وعان 5750000 تەڭگە ايىپپۇل سالۋ جازاسى تاعايىندالدى»، - دەپ ءمالىم ەتتى سوتتىڭ باسپا ءسوز قىزمەتىنەن.

سوت ۇكىمى زاڭدى كۇشىنە ەنگەن جوق.