رەسەيلىكتەردىڭ ەلگە اعىلۋى ينفلياتسياعا كەرى اسەر ەتەدى- ۇ ب

«بيىلعى قىركۇيەك ايىنىڭ قورىتىندىسى بويىنشا ينفلياتسيا قازاقستاندا 17,7 پايىزعا جەتتى. ىشكى جانە الەمدىك نارىقتارداعى تەڭگەرىمسىزدىك اياسىندا جىلدىق ماندە 22,2 پايىزعا جەتكەن ازىق-تۇلىك ونىمدەرى باعاسىنىڭ ءوسۋى بۇعان ايتارلىقتاي ۇلەس قوسىپ وتىر. يمپورت ارقىلى كەلەتىن تاۋارلاردىڭ قىمباتتاۋىنا جانە ولارعا سۇرانىستىڭ ارتۋىنا وراي ازىق-تۇلىككە جاتپايتىن ينفلياتسيا 17 پايىزعا دەيىن قارقىن الدى»، - دەدى ا. بايماعامبەتوۆ.

ونىڭ ايتۋىنشا، تۇرعىن ءۇيدى جالعا الۋ، مادەنيەت جانە ويىن-ساۋىق سالاسىنداعى قىزمەتتەر، سونداي-اق رەتتەلەتىن قىزمەتتەر (سۋ تارتۋ، سالقىن سۋ مەن ەلەكتر قۋاتى تاريفتەرى) باعاسىنىڭ ءوسۋى اياسىندا اقىلى قىزمەتتەر ينفلياتسياسى 12,3 پايىزعا جەتتى.

«رەسەيدەگى ءىشىنارا موبيليزاتسيا اياسىندا رەسەيلىكتەردىڭ ەلىمىزگە اعىلۋى جاعدايىنا قاتىستى قىركۇيەك ايىنداعى جوعارى ناقتى دەرەكتەردى ەسكەرسەك، 2022-جىلدىڭ سوڭىنا قاراي ينفلياتسيا ءبىزدىڭ 16-18 پايىز دەگەيىندەگى سوڭعى بولجامىمىزدان اسىپ تۇسەدى»، - دەدى ۇ ب وكىلى.

ايتا كەتەيىك، 2022-جىلدىڭ سوڭىنا قاراي ينفلياتسيا 16-18 پايىز ارالىعىندا بولاتىنى جاريالانعان ەدى.

جاقىندا ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى قازاقستانعا كەلىپ جاتقان رەسەيلىكتەردىڭ سانى ازايعانىن ايتتى.

وسىعان دەيىن ق ر ۇلتتىق بانكىنىڭ ءتوراعاسى عالىمجان ءپىرماتوۆ قىركۇيەك ايىنداعى سىرتقى شوكتاردى ەسكەرە وتىرىپ، 2022-جىلدىڭ سوڭىنا قاراي ينفلياتسيا ۇ ب- نىڭ تامىز ايىنداعى بولجامىنان اسىپ تۇسەتىنىن ايتتى.

بۇگىن ءماجىلىستىڭ جالپى وتىرىسىندا ۇكىمەت باسشىسى ءاليحان سمايلوۆ 2023-جىلى ەلىمىزدە ينفلياتسيا تومەندەيتىنىن ايتتى.

بۇدان بۇرىن حابارلانعانداي، جاقىندا ۇلتتىق بانكتىڭ اقشا-كرەديت ساياساتى دەپارتامەنتى ناقتى سەكتور مونيتورينگى باسقارماسىنىڭ باستىعى يگور وسيپوۆ بيىلعى ينفلياتسيانىڭ سەبەپ-سالدارىن ءتۇسىندىردى.

2022-جىلدىڭ قىركۇيەك ايىندا ەلدە جىلدىق ينفلياتسيا 17,7 پايىز (تامىزدا - 16,1 پايىز) بولدى.