گولوۆكين مەن فالكاو جەكپە-جەگى قاشان وتەتىنى بەلگىلى بولدى

استانا. قازاقپارات - برازيليالىق بوكسشى ەسكيۆا فالكاونىڭ (30-0، 20 ك و) مەنەدجەرى سەرجيو باتارەللي WBA مەن IBF- تەن حابارلاما العان.

وعان سايكەس، ونىڭ كليەنتى ورتا سالماقتاعى الەم چەمپيونى قازاقستاندىق گەننادي گولوۆكينمەن (42-2-1، 37 ك و) ايقاسۋى ءتيىس، دەپ حابارلايدى قازاقپارات Sports.kz سايتىنا سىلتەمە جاساپ.

جەكپە-جەك 120 كۇننىڭ ىشىندە ءوتۋى ءتيىس، جەڭىمپاز ورتا سالماقتاعى WBA الەم چەمپيونى ەريسلاندي لارەمەن جۇدىرىقتاسۋى كەرەك.

«ەندى رەسمي جاريالايمىز. مەن قازىر عانا IBF پەن WBA- دەن حات الدىم. وندا كەلەسى جىلدىڭ باسىندا ەسكيۆا فالكاو مەن گەننادي گولوۆكيننىڭ تيتۋلدىق جەكپە-جەگىن وتكىزۋ تۋرالى كەلىسسوز باستاۋدى بۇيىرعان. 2023-جىلدىڭ اقپانىندا نەمەسە ناۋرىزىندا وتەدى دەپ ويلايمىن (تەك بولجام عانا). وتەتىن ورنى مەن ۋاقىتى كەلىسسوزدەن كەيىن ناقتى بەلگىلى بولادى»، - دەدى فۋنكتسيونەر برازيليالىق ب ا ق- قا بەرگەن سۇحباتىندا.