قازاقستاندا ءبىر جىلدا قانشا مىڭ ادام كولىك ايداۋ قۇقىعىنان ايىرىلدى

بۇل تۋرالى ق ر ءى ءى م اكىمشىلىك پوليتسيا كوميتەتى ءتوراعاسىنىڭ ورىنباسارى جاندوس مۇراتاليەۆ ايتتى، دەپ حابارلايدى قازاقپارات ءتىلشىسى.

«بيىل 4,5 ميلليوننان استام جول ءجۇرۋ قاعيدالارىن بۇزۋدىڭ جولى كەسىلدى. بارلىق ەرەجە بۇزۋدىڭ %43 بەلگىلەنگەن جىلدامدىقتى اسىرعاندار ەكەنىن اتاپ وتكەن ءجون»، - دەدى جاندوس مۇراتاليەۆ ورتالىق كوممۋنيكاتسيالار قىزمەتىندەگى بريفينگتە.

وعان قوسا، 216 مىڭنان استام جاياۋ جۇرگىنشىگە ايىپپۇل سالىنعان.

«كولىكتى ماس كۇيىندە باسقارعانى ءۇشىن 18 مىڭنان استام جۇرگىزۋشى ۇستالدى. 20 مىڭ جۇرگىزۋشى كولىك ايداۋ قۇقىعىنان ايىرىلدى، 16 مىڭ ادام اكىمشىلىك قاماۋعا الىندى»، - دەدى سپيكەر.

بۇعان دەيىن ق ر ءى ءى م وكىلى ءاربىر ءتورتىنشى جول اپاتى جىلدامدىق رەجيمىن ساقتاماۋدان بولاتىنىن ايتقان ەدى.

سونىمەن بىرگە، جىل باسىنان بەرى بالالار زارداپ شەككەن 2378 جول-كولىك وقيعاسى بولعان، وندا 181 بالا قازا تاۋىپ، 2826 بالا جاراقات العان.