قازاقستاندا سىرا باعاسى ءبىر جىلدا قانشا پايىز قىمباتتادى

بۇل 2021-جىلدىڭ اياعىنداعى كورسەتكىشتەن 5,1 پايىز از، دەپ حابارلايدى قازاقپارات ءتىلشىسى.

Energyprom.kz جازۋىنشا، جەتى ايدىڭ ىشىندە سىرا ءوندىرىسىنىڭ كولەمى بىلتىرعىدان 5,2 پايىز كەمىپ، 481,4 ميلليون ليتر بولعان.

«كەيىنگى 6 جىلدا سىرا ءوندىرىسىنىڭ كولەمى ۇزدىكسىز ءوسىپ كەلگەن بولاتىن. قازاقستاندىق سىرا قايناتۋشىلار قاڭتار-شىلدە ايلارىندا ىشكى نارىق پەن ەكسپورتتىڭ سۇرانىسىن 91 پايىزعا قامتاماسىز ەتكەن. ياعني، ءوندىرىس كولەمى 6 پايىز قىسقارىپ، 409 ميلليون ليتر بولعان. ال يمپورت كولەمى كەرىسىنشە 3,4 پايىز ءوسىپ، 40,5 ميلليون ليترگە جەتتى. قاڭتار-شىلدەدە سىرا ەكسپورتى 12,7 پايىز قىسقارىپ، 8,7 ميلليون ليتر بولدى. ىشكى نارىقتا ساتۋ كولەمى 5,1 پايىز كەمىپ، 440,8 ميلليون ليترگە دەيىن قىسقاردى»، - دەپ جازىلعان ساراپتامادا.

ءوندىرىستىڭ قىسقارۋى سىرا باعاسىنىڭ رەكوردتىق كورسەتكىشكە جەتۋىنە تۇرتكى بولعان.

«جىل باسىنان بەرى سىرا ءبىر جىلدا 21,2 پايىز قىمباتتاپ، رەكوردتىق كورسەتكىش تىركەلدى. ال 2021-جىلدىڭ قىركۇيەگىمەن سالىستىرعاندا 22,4 پايىز قىمباتتاعان. وڭىرلەر اراسىندا سىرانىڭ باعاسى جىل باسىنان بەرى شىعىس قازاقستان وبلىسىندا (30 پايىز)، استانادا (29,2 پايىز) جانە تۇركىستان وبلىسىندا (28,9 پايىز) ايتارلىقتاي ءوستى. وتكەن جىلدىڭ قىركۇيەگىمەن سالىستىرعاندا باعانىڭ ەڭ ەلەۋلى ءوسۋى استانا قالاسى (32,5 پايىز) مەن شىعىس قازاقستان (31,7 پايىز)، تۇركىستان (29,1 پايىز) وبلىستارىندا تىركەلدى»، - دەپ جازادى Energyprom.kz.