الماتىداعى اقىلى اۆتوتۇراقتاردىڭ ەكس- باسشىلارىن قاماۋدا ۇستاۋ مەرزىمى ۇزارتىلدى

«الماتى مامانداندىرىلعان اۋدانارالىق تەرگەۋ سوتىنىڭ حابارلاۋىنشا، 2022 -جىلعى 14- قازاندا سوت قاۋلىسىمەن تەرگەۋ ورگاندارىنىڭ پرينبەكوۆكە قاتىستى قاماۋدا ۇستاۋ مەرزىمىن 15- قاراشاعا دەيىن 7 ايعا ۇزارتۋعا سانكسيا بەرۋ تۋرالى ءوتىنىشى قاناعاتتاندىرىلدى»، - دەپ ءمالىم ەتتى الماتى قالاسى سوتىنىڭ باسپا ءسوز قىزمەتى.

سونداي- اق، قالانىڭ مامانداندىرىلعان اۋدانارالىق تەرگەۋ سوتى 2022 -جىلعى 23- قىركۇيەكتە تەرگەۋ ورگاندارىنىڭ بازاربايەۆقا قاتىستى قاماۋدا ۇستاۋ مەرزىمىن 7 ايعا، ياعني 26 - قازانعا دەيىن ۇزارتۋعا سانكسيا بەرۋ تۋرالى ءوتىنىشىن قاناعاتتاندىرعان.

ايىپتالۋشىلاردى قاماۋدا ۇستاۋ مەرزىمى بۇعان دەيىن دە ۇزارتىلعان بولاتىن.

ەسكە سالساق، «AlanParking» ج ش س ديرەكتورى مۇحتار بازاربايەۆ 14- ءساۋىر كۇنى ەكى ايعا قاماۋعا الىندى. «الماتى سپەستەح پاركينگ سەرۆيس» ج ش س ديرەكتورى مارات پرينبەكوۆ تا قاماۋدا وتىر.

25- ساۋىردە «الماتى سپەستەح پاركينگ سەرۆيس» ج ش س- ءنىڭ % 70 مولشەرىندەگى ۇلەسىن جانە «AlanParking» ج ش س- ءنىڭ % 100 ۇلەسىن قالا مەنشىگىنە قايتارۋ تۋرالى ۇسىنىس ءتۇسىپ، اقىلى اۆتوتۇراقتار قالانىڭ كوممۋنالدىق مەنشىگىنە ءوز ەركىمەن قايتارىلعانى حابارلانعان.

ايتا كەتەيىك، الماتىدا اقىلى اۆتوتۇراق جۇيەسى العاش رەت 2016 -جىلى ەنگىزىلدى.

اۆتور

دۋمان ارعىنگەلدى