پوليتسەيلەر سۋيتسيد جاساماق بولعان جۇكتى ايەلدى قۇتقارىپ قالدى

بۇل تۋرالى قازاقپارات polisia.kz سايتىنا سىلتەمە جاساپ حابارلايدى.

«دۋلاتي كوشەسىنىڭ بويىن پاترۋلدەۋ كەزىندە، قاراۋسىز قالعان جەردەن «حيۋنداي» ماركالى كولىك تابىلدى. كولىكتە ءبىر قىز جىلاپ وتىر ەكەن. كولىكتى تەكسەرۋ كەزىندە حات پەن ارقان تابىلدى. بويجەتكەننەن جاۋاپ العان سوڭ، ونىڭ بۇگىن ەكى رەت ءوز-وزىنە قول جۇمساماق بولعاندىعىن انىقتادىق. قىزدى پاترۋلدىك كولىككە دەيىن شىعارىپ سالىپ، «جەدەل جاردەم» شاقىردىق»، - دەيدى، الماتى قالالىق پ د پاترۋلدىك پوليتسيا پولكىنىڭ اعا ينسپەكتورى، داۋلەت تۇرمانوۆ.

«مەنى پوليتسيا قىزمەتكەرلەرى قۇتقاردى. ۇلكەن راحمەت. وسى ۋاقىت بويى ولار مەنىڭ قاۋىپسىزدىگىم ءۇشىن مەنىڭ قاسىمنان شىقپادى. قازىر مەن مۇنىڭ ءبارىن ءتۇسىندىم...»، - دەدى جاس ايەل.

مۇنداي ءىس-ارەكەتتىڭ سەبەبى ءمورالدىق جانە ەتيكالىق تۇرعىدان ايتىلمايدى.