قىتايدىڭ اۆكولىك برەندتەرى قازاقستاندا زاۋىت اشۋعا قىزىعۋشىلىق تانىتۋدا - مينيستر
بۇل تۋرالى ماجىلىستەگى ۇكىمەت ساعاتىنان كەيىنگى باسپا ءسوز ءماسليحاتىندا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ايتتى، دەپ حابارلايدى قازاقپارات ءتىلشىسى.
ءمينيستردىڭ ايتۋىنشا، بۇل تۇرعىدا قىتايدىڭ تانىمال برەندتەرى قامتىلماق. ولار Hyundai كومپانياسىمەن بىرگە زاۋىتتار اشۋعا قىزىعۋشىلىق تانىتىپ وتىر.
سونىمەن قاتار ق. وسكەنبايەۆ ەلىمىزدە كولىك الۋعا تومەن پايىزبەن نەسيە بەرۋ باعدارلاماسى اياسىندا قالىپتاسقان كەزەككە قاتىستى پىكىر ءبىلدىردى.
«وسى ورايدا ەلىمىزدە شىعارىلاتىن كولىك سانىن ارتتىرىپ جاتىرمىز جانە وتاندىق وندىرىستەگى اۆتوموبيلدەرگە سۇرانىس ءوسىپ كەلەدى. اتاپ ايتقاندا، ەلىمىزدە شىعارىلاتىن كولىك سانىن ءالى دە كوبەيتۋ كەرەك»، - دەدى مينيستر.
بۇدان بۇرىن حابارلانعانداي، قايىربەك وسكەنبايەۆ ەلورداداعى LRT قۇرىلىسىنا قاتىستى پىكىر ءبىلدىردى.
