تۇركىستان وبلىسىندا الما اعاشى قايتا گۇلدەدى - ۆيدەو

كەنتاۋ قالاسىندا ورنالاسقان ىبىراي التىنسارين اتىنداعى №1-مەكتەپتىڭ اۋلاسىنداعى الما اعاشى قايتا گۇلدەدى.

تابيعاتتىڭ تاماشا قۇبىلىسىن تۇرار وماروۆ ەسىمدى الەۋمەتتىك جەلى قولدانۋشىسى ۆيدەوعا ءتۇسىرىپ العان.

كەيىن جەلىگە جۇكتەگەن ول كۇن رايىنىڭ جىلى ەكەندىگىن ايتادى.

ال، پىكىر بىلدىرۋشىلەر تاڭقالىپ ءتۇرلى پىكىرلەر جازىپ جاتىر.

ونىڭ ءبىرى «كەنتاۋدا رايى كوكتەمدەگىدەي بولىپ تۇر. تىرشىلىك قايتا گۇلدەپ جاتقانى سوندىقتان جاقسىلىقتان ءۇمىت ۇزبەيىك» دەسە، ەندى ءبىرى «كەلەسى جىلى الما سالمايتىن شىعار» دەپ الاڭداۋشىلىعىن بىلدىرگەن.

جالپى قازىرگى كەزدە تۇركىستان وبلىسىنىڭ كوپ بولىگىندە كۇن رايى جىلى. اۋا تەمپەراتۋراسى كۇندىز 13+، 15+ بولسا، تۇندە 8+ كورسەتىپ تۇر.