پوليتسيا «توبىل» مەن «اقتوبە» جانكۇيەرلەرىنىڭ قاقتىعىسىنا تۇسىنىك بەردى
قوستاناي. قازاقپارات - پوليتسيا دەپارتامەنتى «توبىل» جانە «اقتوبە» جانكۇيەرلەرىنىڭ قاقتىعىسى كورسەتىلگەن الەۋمەتتىك جەلىلەردە تاراعان ۆيدەوعا تۇسىنىك بەردى، دەپ حابارلايدى قازاقپارات ءتىلشىسى.
پوليتسيانىڭ حابارلاۋىنشا، ماتچ باستالاردان جارتى ساعات بۇرىن «پلازا» ساۋدا ءۇيىنىڭ جانىندا «اقتوبە» جانكۇيەرلەرى پيروتەحنيكالىق قۇرالداردى قولدانا وتىرىپ، قوعامدىق ءتارتىپتى بۇزۋعا ارەكەت جاساعان.
«پوليتسيا قىزمەتكەرلەرى بۇل ارەكەتتى دەر كەزىندە توقتاتتى، ەڭ بەلسەندى جانكۇيەرلەرگە سپورت جانە ويىن- ساۋىق ءىس- شارالارىن وتكىزۋ مەن ۇيىمداستىرۋ ءتارتىبى تۋرالى زاڭنامانى تۇسىندىردك. سونداي- اق ماتچ وتكىزىلگەن «توبىل ارەناعا» كىرەبەرىستە تىيىم سالىنعان زاتتاردى انىقتاۋ جانە الىپ قويۋ ماقساتىندا كورەرمەندەر تەكسەرىلدى. ءارى قاراي قوعامدىق ءتارتىپتى بۇزۋ فاكتىلەرى بولعان جوق»، - دەپ ءتۇسىندىردى ۆەدومستۆودان.
پوليتسيا اكىمشىلىك ىقپال ەتۋ شارالارى قولدانىلماعانىن اتاپ ءوتتى.
ويتكەنى بۇل ءۇشىن اكىمشىلىك قۇقىق بۇزۋ قۇرامىنىڭ بارلىق قاجەتتى سۋبەكتيۆتى جانە وبەكتيۆتى بەلگىلەرى بولۋى ءتيىس.
بۇعان دەيىن جەلىدە قوستانايدا وتكەن فۋتبول ماتچىندا ەكى كوماندانىڭ جانكۇيەرلەرىنىڭ قاقتىعىسىپ قالعانى ءتۇسىپ قالعان ۆيدەو تاراعان بولاتىن.
«توبىل» مەن «اقتوبە» اراسىنداعى ماتچ قوستانايلىق كوماندانىڭ جەڭىسىمەن 1:0 ەسەبىمەن اياقتالدى.
