ۇرىنى ۇيالى تەلەفونعا تۇسىرگەن بالالار ماراپاتتالدى

بۇل ەرەكشە بەينەجازبا پوليتسەيلەرگە بىرنەشە ۇيگە ۇرلىققا تۇسكەن ۇرىنى انىقتاۋعا كومەكتەستى، دەپ حابارلايدى Polisia.kz.

ناقتىراق ايتساق، اتالمىش وقيعا تۇركىستان وبلىسى جەتىساي اۋدانىندا ورىن العان. كوپقاباتتى تۇرعىن ءۇيدىڭ اۋلاسىندا جۇرگەن جاسوسپىرىمدەر كەنەتتەن كورشى ۇيدە بوتەن بىرەۋ جاسىرىنىپ وتىرعانىن بايقاپ قالادى. ءبىر قىزىعى كورشىنىڭ قاقپاسى قۇلىپتالىپ تۇرعان. مۇنى كورگەن جاسوسپىرىمدەر قىزىقتى بەينەجازبا ءتۇسىرۋ نيەتىمەن ۇيالى تەلەفوندارىن ىسكە قوسادى.

جەتىساي ا پ ب-نىڭ باستىعى ادىلبەك ساپاربەكوۆ قىلمىستى اشۋعا كومەكتەسكەن نازەركە قالدىباي قىزى، رايانا ەرلان، نۇراسىل نۇرجان ۇلىن ارنايى قوناق رەتىندە قابىلدادى.

پوليتسيا قىزمەتكەرلەرىنە كورسەتكەن كومەكتەرى ءۇشىن العىس ايتىپ، وقۋدا وزات بولىڭدار دەپ تىلەك ءبىلدىردى. سونىمەن قاتار سپورتتىق كيىم، اياق كيىم سىيلاپ، اتا-انالارىنا العىس حات تابىس ەتتى. پوليتسەيلەر تاراپىنان كورسەتىلگەن قۇرمەت پەن بەرىلگەن سىيلىقتار ءۇشىن بالالاردىڭ اتا- انالارى ءوز ريزاشىلىقتارىن بىلدىردى.

BAQ. KZ