ماڭعىستاۋلىق سپورتشى بەلبەۋ كۇرەسىنەن الەم چەمپيونى اتاندى

اقتاۋ. قازاقپارات - ماڭعىستاۋلىق سپورتشى مارجان قاناليەۆا بەلبەۋ كۇرەسىنەن الەم چەمپيونى اتاندى، دەپ حابارلايدى قازاقپارات ءتىلشىسى.

استانا قالاسىنداعى «اسپان» سپورت كەشەنىندە 12-15- قازان ارالىعىندا بەلبەۋ كۇرەسىنەن 2002-2004 -جىلعى جاستار مەن قىزدار اراسىندا الەم چەمپيوناتى ءوتتى.

ءۇش كۇنگە سوزىلعان باسەكەدە 2002-2004 -جىلى تۋعان 16 ەلدىڭ 200-گە جۋىق سپورتشىسى بوزكىلەمدە جەڭىمپازدى انىقتادى. جالپى ەسەپتە 5 التىن، 1 كۇمىس، 5 قولا مەدالمەن وزبەكستان قۇراماسى توپ جارسا، قازاقستان قۇراماسى 4 التىن، 7 كۇمىس جانە 8 قولا جۇلدەگە قول جەتكىزىپ 2-ورىن الدى.

«قازاقستان قۇراماسىندا ونەر كورسەتكەن ماڭعىستاۋلىق مارجان قاناليەۆا الەم چەمپيونى اتاندى. باپكەرلەرى - مەلس جۇنىسبايەۆ پەن اسحات ۋتەسبايەۆ» دەپ ءمالىم ەتتى ماڭعىستاۋ وبلىستىق سپورت باسقارماسى.

جەكە باپكەرى مەلس جۇنىسبايەۆتىڭ ايتۋىنشا، قىزدار اراسىندا 66 كەلى دەيىنگى سالماقتا مارجان العاشقى كەزدەسۋلەرىندە موڭعوليا، رەسەي مەملەكەتىنىڭ سپورتشىلارىنان باسىم تۇسسە، فينالدا قازاقستاندىق سپورتشىمەن كەزدەسىپ قارسىلاسىن 6:0 ەسەبىمەن جەڭدى.

رەداكتور

ەربول جانات