قازاقستاننىڭ قۇرلىق اسكەرلەرىنىڭ دايىندىعى قانداي

ونىڭ مالىمدەۋىنشە، بۇگىندە وقۋ ورنىنىڭ الدىندا تۇرعان ماقسات - كاسىپتىك دەڭگەيى جوعارى اسكەري مامانداردى دايارلاۋ، دەپ حابارلايدى قازاقپارات ءتىلشىسى.

«قورعانىس ءمينيسترى رۋسلان جاقسىلىقوۆ بىزگە ناقتى تاپسىرما قويدى. ول جوعارى اسكەري وقۋ ورىندارىنا ۇلكەن نازار اۋدارىپ جاتىر. جالپى، تاپسىرمالار ءبىزدىڭ وقۋ- ادىستەمەلىك بازامىزعا بايلانىستى. سونى دامىتۋ، كۇشەيتۋ كەرەك. سونىمەن قاتار، پروفەسسورلىق قۇرامنىڭ بىلىكتىلىگىن ارتتىرۋ، ادىستەمەلىك شەبەرلىگىن كوتەرۋ ماسەلەسى دە بار. مينيستر تالاپ قويىپ جاتىر. ول - ءبىزدىڭ تۇلەكتەردىڭ كاسىپتىك دايىندىعى جوعارى بولۋى كەرەك. ەرتەڭ اسكەرگە بارعان كەزدە ولار ۇرىستى ۇيىمداستىرا ءبىلۋى كەرەك»، - دەدى وقۋ ءبولىمىنىڭ باسشىسى.

ونىڭ ايتۋىنشا، اتالعان ينستيتۋت 30-دان استام وقۋ ورىندارىمەن جانە عىلىمي ورتالىقتارمەن ارىپتەستىكتە جۇمىس ىستەيدى. بۇدان وزگە، ءبىلىم ورداسى تاياۋدا عىلىم جانە جوعارى ءبىلىم مينيسترلىگىنىڭ عىلىمي زەرتتەۋلەر جۇرگىزۋ ءۇشىن بولىنەتىن 3 گرانتىن ۇتىپ العان.

«قازىر ءبىزدىڭ وقۋ ورنىندا عىلىمي زەرتتەۋلەر جۇرگىزىلىپ جاتىر. سونداي- اق، جالپى 4 جىل وقۋدى بىتىرگەننەن كەيىن ءبىزدىڭ تۇلەكتەرىمىزگە العاشقى وفيتسەرلىك شەن بەرىلەدى. ودان كەيىن قورعانىس مينيسترلىگىنىڭ بۇيرىعىمەن بۇلار اسكەرگە بارادى. تولىق جۇمىس ورنىمەن قامتاماسىز ەتىلەدى»، - دەپ توقتالدى بولات قۇدابايەۆ.

ايتا كەتەيىك، بۇل وقۋ ورنىن وسى كەزگە دەيىن 10 مىڭنان استام وفيتسەر ءتامامداپ، ونىڭ 83- ءى گەنەرال جوعارى اسكەري شەنىن العان.

اۆتور

ءاليحان اسقار