قازاقستاننان كەيبىر اعاش تۇرلەرىن اكەتۋگە تىيىم سالىنۋى مۇمكىن
مۇنداي ۇسىنىس اشىق تالقىعا شىعارىلعان يندۋستريا جانە ينفروقۇرىلىمدىق دامۋ مينيسترلىگىنىڭ بۇيرىعىندا جازىلعان، دەپ حابارلايدى قازاقپارات ءتىلشىسى.
«قازاقستان اۋماعىنان تاۋار كودى 4401 (وتىن رەتىندە پايدالانىلاتىن بورەنەلەر)، 4403 (وتىن رەتىندە پايدالانىلاتىن وڭدەلمەگەن اعاشتار)، 4404 (وڭدەلمەگەن اعاش قادالار مەن باعانالار)، 4406 (تەمىرجول نەمەسە ترامۆاي جولدارىنا ارنالعان اعاش بورەنەلەر) جانە 4407 (قالىڭدىعى 6 م م اساتىن ارامەن كەسىلگەن نەمەسە سىندىرىلعان اعاشتار) بولاتىن اعاش ماتەريالدارىن اكەتۋگە التى اي مەرزىمگە تىيىم سالىنسىن»، - دەلىنگەن قۇجاتتا.
بۇيرىققا سايكەس، اتالعان اعاش تۇرلەرىنىڭ ەل اۋماعىنان تىس جەرلەرگە اكەتۋگە سالىناتىن تىيىم شارالارىن مەملەكەتتىك كىرىستەر كوميتەتى، شەكارا قىزمەتى مەن «قازاقستان تەمىر جولى» كومپانياسى قامتاماسىز ەتۋى ءتيىس.
اۆتور
ءادىلجان ۇمبەت
