قىتاي جوعارى ساپالى دامۋعا كوڭىل بولەدى - شي جينپيڭ
«ماتەريالدىق جانە تەحنولوگيالىق جاعىنان بەرىك ىرگەتاس بولماسا، بارلىق جاعىنان مىقتى سوتسياليستىك زاماناۋي مەملەكەت قۇرۋ مۇمكىن ەمەس»، - دەدى شي جينپيڭ ەسەپ بەرۋ بايانداماسىندا.
ونىڭ ايتۋىنشا، جوعارى ساپالى دامۋ قىتايدىڭ باستى باسىمدىعى بولىپ قالا بەرەدى، ال رەفورمالار سوتسياليستىك نارىقتىق ەكونوميكا مەن جوعارى دەڭگەيدەگى اشىقتىق باعىتىندا جۇرگىزىلەتىن بولادى.
شي جينپيڭ قىتايدىڭ سوڭعى جىلدارى عارىشتىق جانە اتومدىق جوبالاردى، اۋىر كومپيۋتەرلەردى قۇرۋدى جانە فارماتسيەۆتيكادا قولدانىلاتىن بيولوگيالىق تەحنولوگيالاردى قوسا العاندا، ءبىرقاتار نەگىزگى تەحنولوگيالاردا سەرپىلىس جاساعانىن ايتتى.
ول سونىمەن قاتار ءبىلىم، تەحنولوگيا جانە تالانت قىتاي دامۋىنىڭ نەگىزى ەكەنىن باسا ايتتى.
ق ك پ ورتالىق كوميتەتىنىڭ باس حاتشىسى قىتايدىڭ «ءبىر بەلدەۋ، ءبىر جول» باستاماسىن قابىلداعانىن، ونىڭ حالىقارالىق ىنتىماقتاستىق الاڭىنا اينالعانىن اتاپ ءوتتى. قىتاي 140 تان استام ەل مەن ايماقتىڭ نەگىزگى ساۋدا سەرىكتەسىنە اينالدى، جالپى تاۋار ساۋداسى بويىنشا الەمدە ءبىرىنشى ورىنعا شىقتى، سونىمەن قاتار شەتەلدىك ينۆەستيتسيا مەن سىرتتان ينۆەستيتسيا تارتۋدا كوش باستاپ كەلەدى.
16- قازاندا بەيجىڭدە قىتاي كوممۋنيستىك پارتياسىنىڭ ⅩⅩ سەزى اشىلدى.
