قازاقستان مەن تۇرىكمەنستان ىنتىماقتاستىعىنىڭ وزەكتى ماسەلەلەرى تالقىلاندى
«ءسىزدىڭ ساپارىڭىزدىڭ تاريحي ماڭىزى بار. جاڭا عانا جابىق فورماتتا ءبىز ىنتىماقتاستىقتى دامىتۋدىڭ ەڭ وزەكتى ماسەلەلەرىن تالقىلادىق. كۇن تارتىبىندەگى ماسەلەلەرگە وڭ كوزقاراسىڭىز ءۇشىن راحمەت. مەن ەلدەرىمىز اراسىنداعى ىنتىماقتاستىق پەرسپەكتيۆالارىنا قاتىستى ءسىزدىڭ بارلىق كوزقاراستارىڭىز بەن پىكىرلەرىڭىزگە وڭ باعا بەردىم»، - دەدى قاسىم-جومارت توقايەۆ.
مەملەكەت باسشىسى ەكى ەلدى بايلانىستىراتىن ءبىرقاتار جالپى اسپەكتىنى اتاپ ءوتتى.
«تۇرىكمەنستان قازاقستان ءۇشىن باۋىرلاس مەملەكەت سانالادى. بىزدە ورتاق ءداستۇر، ورتاق تاريح، شىن مانىندە ورتاق مادەنيەت بار»، - دەدى ق ر پرەزيدەنتى.
