ەلوردا تۇرعىنى كولىگىمەن اسا ءىرى مولشەردە ەسىرتكى تاسىعان

اقمولا وبلىسى پ د ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرىنىڭ جەدەل اقپاراتى بويىنشا، 30 جاستاعى ەلوردا تۇرعىنى اسا ءىرى مولشەردە استانا، پاۆلودار، سولتۇستىك قازاقستان جانە اقمولا وبلىستارىنا مەفەدرون مەن تۇز سينتەتيكالىق ەسىرتكىلەرىن جەتكىزۋمەن جانە وتكىزۋمەن اينالىسقان.

12 - قازاندا اقمولا پوليتسەيلەرى ارنايى بولىمشەلەر قىزمەتكەرلەرىنىڭ كومەگىمەن وپەراتسيا ناتيجەسىندە كوكشەتاۋ قالاسىنا كىرەبەرىس جولدا، «قۇلاگەر» قوناق ءۇيىنىڭ جانىندا استانا قالاسىنىڭ 30 جاستاعى تۇرعىنىنىڭ باسقارۋىنداعى اۆتوكولىكتى توقتاتتى. اۆتوكولىكتى رۇقساتسىز ءتىنتۋ بارىسىندا كاپوتتىڭ استىنان سارعىلت ءتۇستى، ۇنتاق كونسيستەنتسيالى، ەرەكشە ءيىسى بار، ءمولدىر سكوچپەن ورالعان ۇلكەن پوليەتيلەن بايلامى (شامامەن 200 گرام مەفەدرون)، سونداي-اق قارا ءتۇستى يزولەنتامەن ورالعان 256 بۋما قىزىل جانە سارعىلت ءتۇستى ۇنتاق زاتى (سالماعى شامامەن 150 گرام) تابىلىپ، تاركىلەندى.

سونىمەن قاتار، ەسىرتكى جاسىرىلعان ورىنداردان فيكساتسيالانعان ەكى ۇيالى تەلەفون تاركىلەندى. قازىرگى ۋاقىتتا جەدەل ۋاكىلدەر ەسىرتكى ساتىپ الۋ ارناسىن انىقتاۋ بويىنشا ءىس-شارالار جۇرگىزۋدە.