20:21, 14 - قازان 2022 | GMT +5
الماتىدا سوتتالعان ادام تەرگەۋ يزولياتورىنان قاشىپ كەتتى
الماتى. قازاقپارات – 14- قازاندا تەرگەۋ يزولياتورىنان سوتتالعان ادام قاشىپ كەتتى. قىلمىستىق-اتقارۋ جۇيەسى دەپارتامەنتى مەن الماتى قالالىق پوليتسيا دەپارتامەنتى جەدەل-ىزدەستىرۋ شارالارىن ۇيىمداستىردى، دەپ حابارلايدى قازاقپارات ءتىلشىسى.
«اتالعان فاكتى بويىنشا الماتى قالالىق پوليتسيا دەپارتامەنتى قىلمىستىق كودەكستىڭ 426-بابى (باس بوستاندىعىنان ايىرۋ ورىندارىنان، قاماۋدان قاشۋ) بويىنشا سوتقا دەيىنگى تەرگەۋ جۇرگىزىپ جاتىر. قازاقستان رەسپۋبليكاسىنىڭ قىلمىستىق-پروتسەستىك كودەكسىنىڭ تالاپتارىنا سايكەس تەرگەۋدىڭ وزگە مالىمەتتەرى جاريا ەتىلمەيدى»، - دەپ حابارلادى قىلمىستىق اتقارۋ جۇيەسى كوميتەتىنىڭ باسپا ءسوز قىزمەتى.
قازىرگى تاڭدا الماتى قالاسى بويىنشا ق ا ج د قىزمەتتىك تەكسەرۋدى باستادى.
