شەكارا ماسەلەسى تاتۋ كورشىلىك نەگىزىندە تەك بەيبىت جولمەن شەشىلۋى ءتيىس - پرەزيدەنت
«تۇراقسىزدىققا الىپ كەلەتىن تاعى ءبىر فاكتور - وڭىردەگى جەكەلەگەن ەلدەر اراسىندا شەكارا ماسەلەسىنىڭ رەتتەلمەۋى. شەكارا پروبلەماسى عاسىرلار بويى قالىپتاسقان دوستىق، ءوزارا سەنىم جانە تاتۋ كورشىلىك نەگىزىندە، سونداي- اق حالىقارالىق قۇقىق پەن ب ۇ ۇ جارعىسىنىڭ ىرگەلى قاعيداتتارىن مۇلتىكسىز ساقتاۋ ارقىلى تەك بەيبىت جولمەن شەشىلۋگە ءتيىس»، - دەدى قاسىم- جومارت توقايەۆ.
پرەزيدەنت اتالعان ماسەلەلەردى قاراستىرۋ ءۇشىن ساراپتامالىق الاڭ قۇرۋدى ۇسىندى.
ايتا كەتەيىك، ەلوردادا «ورتالىق ازيا- رەسەي» ءسامميتى باستالدى.
جوعارى دەڭگەيدەگى كەزدەسۋگە قازاقستان، قىرعىزستان، وزبەكستان، تاجىكستان، تۇرىكمەنستان جانە رەسەي پرەزيدەنتتەرى كەلدى، ولار التىجاقتى فورماتتاعى ىنتىماقتاستىقتىڭ كەلەشەگىن تالقىلاپ جاتىر.
